Градоначалникот на Чаир, Изет Меџити, во гостувањето на „Директно“ на ТВ Телма практично потврди дека идниот лидер на коалицијата ВЛЕН – ВРЕДИ ќе се избира меѓу него и градоначалникот на Тетово, Биљал Касами.
„Тука некаде е. Тој е повеќе фактор во Тетово, јас во Скопје. Ова се два главни града каде се концентрирани Албанците и затоа работиме на креативни решенија. Има повеќе решенија низ партиите во Европа, разгледуваме модели од Германија“, изјави Меџити, навестувајќи дека се разгледуваат различни форми на лидерство – од ко-претседателство до ротација или други хибридни модели што функционираат во европските партии.
Оваа изјава доаѓа по неколкумесечните внатрешни тензии во ВЛЕН – ВРЕДИ околу единството и идното раководство, особено по локалните избори каде Меџити и Касами се покажаа како најсилните фигури на албанскиот политички блок во Македонија.