Вечерва околу 20:45 часот избувна пожар во еден од старите објекти во Скопската стара чаршија, во непосредна близина до Безистенот и Чифте-амам. Пламенот брзо се проширил низ дотраениот дрвен покрив и постои реална опасност да ги зафати соседните објекти, кои некогаш служеле како магацини или живеалишта.
На терен веднаш излегле повеќе противпожарни екипи на Главната противпожарна бригада Скопје, кои со неколку возила и десетици пожарникари се борат да го локализираат и стават под контрола огнот. Граѓани и медиуми објавуваат фотографии и видеа од густ чад и високи пламени јазици над чаршијата.
Засега нема официјални информации за причината за пожарот, ниту за евентуално повредени лица. Пожарникарите апелираат граѓаните да не се приближуваат до местото на настанот поради опасност од ширење на пламенот.