Македонија

„КАЖИ НЕ!“ – кампања на МВР против сексуалната злоупотреба на деца во дигиталниот простор (ВИДЕО)

Целта на кампањата е да се подигне свеста кај децата, младите, родителите и пошироката јавност за препознавање и спречување на сексуалната злоупотреба во дигиталниот простор

Министерството за внатрешни работи, во соработка со Европол и полициските служби од регионот, спроведува меѓународна кампања „Кажи не!“ за подигнување на свеста за сексуалната злоупотреба на деца во дигиталниот простор и заштита на децата и младите од опасностите на Интернет.

Како што информираат од МВР, сексуалната злоупотреба на деца во дигиталниот простор е сериозен облик на криминал, кој може да остави долгорочни последици врз жртвите.

Споделувањето фотографии и видеоматеријали, комуникацијата со непознати лица и злоупотребата на стекнатата доверба се дел од ризиците на кои се изложени децата и младите при користењето на Интернет.

Целта на кампањата е да се подигне свеста кај децата, младите, родителите и пошироката јавност за препознавање и спречување на сексуалната злоупотреба во дигиталниот простор.

Од МВР нагласуваат дека заштитата на децата е заедничка одговорност и оти информираноста, внимателноста и навременото пријавување се важни чекори во спречувањето на злоупотребата.

„Кажи НЕ на злоупотребата. Кажи НЕ на споделувањето интимни содржини. Заштити се себеси и другите!“, порачуваат организторите на кампањата.

Најнови вести од: Македонија

Муцунски: Проширувањето на ЕУ е геополитичко обединување на Европа и стратешка инвестиција во постабилен и побезбеден континент

Министерот за надворешни работи и надворешна трговија Тимчо Муцунски синоќа во Скопје се обратил на конференцијата „Безбедноста во Западен Балкан“, организирана од германскиот институт „Аспен“ (Aspen Institute Germany) во соработка со Министерството за надворешни работи и надворешна трговија.

Јовановски: На негирањата на македонската историја ќе одговориме со научна храброст и смиреност

„Од национални приказни до испреплетени истории“ е насловот на дводневната меѓународна конференција што ја организира Институтот за историја при Филозофскиот факултет на УКИМ по повод 80 години од неговото основање. Програмата опфаќа неколку пленарни и тематски сесии посветени на историските процеси, националните наративи, културните и дипломатските односи, како и на современите пристапи во историските истражувања. Учесниците ќе се претстават со реферати за историјата на Македонија од средновековниот период до современата државност, за односите на Балканот, османлискиот период, светските војни и меѓународните историски влијанија.

Светско признание за министерот Тошковски за „Безбеден град“ (ВИДЕО)

Наградата претставува меѓународно признание за проектот насочен кон подобрување на безбедноста во сообраќајот преку примена на современи технологии, автоматско регистрирање на сообраќајни прекршоци и дигитализација на постапките

To top