Македонија

Прекршочна постапка против градоначалникот на Струга – не го истакнал државното знаме

Падна и во немилост на премиерот

2 минути за читање

ОВР Струга поднесе барање за поведување прекршочна постапка против правното лице-општина Струга и против одговорното лице М.Ќ. (65) од струшкото село Биџево, поради сторено дело спротивно на член 6, а казнивo по член 11 од Закон за употреба на знамиња на заедниците во Р. Македонија.

Пријавените, како организатори на настан по повод Денот на aлбанското знаме, што на 28.11.2025 се одржувал на улицата „Маршал Тито“ во Струга, покрај знамето на заедниците, ниту на бината, ниту на дел од кејот на реката Црн Дрим, не го истакнале и не го поставиле државното знаме на Р. Македонија, што според закон биле обврзани да го направат.

Премиерот и лидер на ВМРО-ДПМНЕ, Христијан Мицкоски се дистанцираше од градоначалникот на Општина Струга, Менди Ќура, кој на власт дојде исклучиво благодарение на масовната поддршка од македонските гласачи мобилизирани од ВМРО-ДПМНЕ.

-Лично му испратив порака на градоначалникот дека сум разочаран. Ме убедуваше дека така било секоја година, но не е така, изјави Мицкоски.

Сега, кога Ќура ја изгуби довербата на партијата што го донесе на власт, неговата политичка иднина е доведена во прашање.

-Му кажав дека ова му е лош почеток, а втора шанса за прв впечаток нема. Првиот беше катастрофален, истакна премиерот.

Мицкоски најави дека советниците на ВМРО-ДПМНЕ во Општинскиот совет на Струга веројатно нема да ја поддржат работата на градоначалникот во иднина, што практично значи дека Ќура ќе остане без политичка поддршка на која ја заснова својата изборна кампања.

Поврзани теми:

актуелно|Менди Ќура|прекршочна пријава|државно знаме|градоначалник на Струга

Најнови вести од: Македонија

Русокоса газдарица што делеше боксови не е меѓу уапсените за ,,Кравјата криза” и излезе со своја верзија за инцидентот

Драмата со „распуштените“ крави во Кривопаланечко продолжува: додека над 500 животни и натаму слободно шетаат по нивите и патиштата, предизвикувајќи штета на земјоделците, таткото и двете ќерки од семејството Ѓорѓиевски се во осумдневен притвор.

Бошков: Бизнис конфедерацијата на Македонија генерално е „за“ минимална плата од 500 евра

„Нам ни е многу битен образот и конкурентноста и ние мораме да се договораме со синдикатите и со Владата каква порака ќе испратиме за привлекување на странски директни инвестиции и за квалитетот на животот на работниците во земјава.“ – изјави претседателот на Бизнис-конфедерацијата на Македонија Миле Бошков.

СДС најавува „бомби за ВМРО ДПМНЕ“, но што кога ним ќе им пукнат во дворот „обвинителските бомби“ за пљачкањето на државниот буџет?!

Крадците од СДСМ почнуваат да викаат „Секој што крадел ќе одговара“, ем и се закануваат со „бомби за разоткривање на корупциска шема на ВМРО ДПМНЕ“, но што ќе биде кога ќе им се исполни желбата да одговара секој што крадел, па да бидат токму тие што ќе одговараат?! Што ли ќе им се случи кога ќе почнаат да „експлодираат“ набргу „обвинителски бомби“ за „шемите“ на Заев, Филипче и другите од „бомбашката компанија со лепливи прсти“ од Бихаќка?!

Филипче во стилот на Бошко Буха, најави дека ќе има нови бомби (ВИДЕО)

Претседателот на опозициската СДСМ, Венко Филипче, најави радикална промена во борбата против корупцијата: партијата повторно ќе „пушта бомби“, но овој пат тие ќе бидат кривични пријави против актуелни функционери од владејачката гарнитура
Сите вести од Македонија

Најнови вести

To top