Македонија

Судската администрација можно е да излезе на улица од вторник, капак на се – последната одлука

Проблемите како да не стивнуваат во овој сектор. Дополнително судската администрација се соочува и со недостиг на кадар. Деаноски додаде и дека со години наназад имаат неуспешни огласи за вработување пред се заради почетната плата на вработените која е 25.000 денари. Деаноски е револтиран поради тоа што според него ниту една влада досега не успеала да ги слушне проблемите на вработените во овој сектор.

2 минути за читање

Од вторник судската администрација размислува за прекин на работата во одредени судови. Од УПОЗ за Телма велат дека револтот кај оваа категорија вработени настанал откако парите од судскиот буџет наместо за додатоци на плати за судската администрација, се трошат за тужби поднесени од судии, пренесе Телма.

  • „Револт во судовите има веќе извесен период и големо незадоволство кај покачување на плати и исплата на додатоци по плата. Уште повеќе има револт поради тоа што сите пари од судскиот буџет се одливаат на исплата на неосновани тужби на судиите кои, иако се функционери, тужат за исплата на регрес на годишен одмор по колективни договори потпишани од синдикатите кои не важат за функционери, важат само за работници. И сега најново по тужби исплата на средства по тужби за спогодби во кои што судиите имаат потпишано дека нема да тужат. А најновото е дека во одлуката на судскиот буџетски совет за исплата на јубилејни награди на судии, одлагање на барање од исплата на јубилејни награди за вработените”, изјави председателот на УПОЗ, Трпе Деаноски за Телма.  

Поради сите овие проблеми додава дека нема доволно финансиски средства во судскиот буџетски совет. Не е донесена ниту одлуката за исплата на додатоци на плата која е предвидена за крај на оваа година и треба да биде исплатена кон судската служба.

  • „Оваа последна одлука ја прели чашата, незадоволството е многу големо моментално во сите судови. Нашите колеги и членови на синдикатот се јавија уште во петокот, веднаш донесување на одлуката, дека се спремни да прекинат со работа почнувајќи од вторник”, додава Деаноски.

Како би се одвивал овој прекин Деаноски нема конкретни информации, но посочи дека како синдикат ќе застанат на страната на вработените во судската администрација. Евентуалниот штрајк на работата на вработените би значело одложување на дел од судските процеси.

Проблемите како да не стивнуваат во овој сектор. Дополнително судската администрација се соочува и со недостиг на кадар. Деаноски додаде и дека со години наназад имаат неуспешни огласи за вработување пред се заради почетната плата на вработените која е 25.000 денари.

Ова не е првпат да има прекини на работата во судовите. Во минатото, во неколку наврати, се случуваше судската администрација да не работи. Од УПОЗ посочуваат дека нивните протести биле најдолги. Во 2016 година, штрајковите траеја околу три месеци и исто толку во 2023 година во обвинителствата.

Поврзани теми:

плати|администрација|УПОЗ|топ|протест|суд

Повеќе на оваа тема:

Најнови вести од: Македонија

Утре е Велика Сабота – ако го испочитувате овој обичај, сè ќе тргне на подобро

Кога е во прашање овој ден, многу православни верници се во недоумица дали се пости или не. Иако саботата важи за ден кога по правило не се пости строго (туку на масло), свештениците велат дека на Велика сабота треба да се пости исто како и на Велики петок (на вода). На Велика сабота не е добро да се оди во лов и риболов, а се забранува и колење на стока и живина.

Стружани за Велигден негуваат традицијата во која се преплетуваат литургиската свест, симболиката на празникот над празниците и културниот идентитет

Во деновите кога православните христијани со молитва и надеж го очекуваат Христовото воскресение, во охридско-струшкиот регион сè уште живее еден стар обичај длабоко вкоренет во духовната традиција

(Фото): Како ќе изгледа и кога ќе биде готова Универзална сала?!

Објектот беше значително оштетен во пожарот што избувна на 9 април 2024 година, само по еден месец откако, по пауза од две години, продолжија градежните работи за негова реконструкција. Од пожарот беше зафатена старата конструкција. Веднаш по пожарот, од градежната фирма посочија дека, најверојатно, се запалил стар кабел или некоја стара инсталација.

„ТАВ Македонија“ втора година по ред добитник на сертификатот Great Place To Work®

Компанијата Great Place To Work® е глобален авторитет за културата на работното место, којашто има 30 годишно искуство со револуционерни истражувања и податоци со кои им помага на многу компании да станат одлично место за работа за сите. Се фокусира на присуството на вработените и на лидерското однесување и докажано е дека обезбедува водечки приходи во пазарни услови, задржување на вработените и робустни иновации.

Повеќе од 16.000 граѓани ја напуштиле држават апреку „Богородица“ и „Табановце“

Продолжениот викенд по повод празникот Велигден го зголеми метежот на граничните премини во земјава, а најголем метеж е забележан на премините Богородица и Табановце, каде во изминатите 24 часа поминале повеќе од 16 илјади патници, информираат од Министерството за внатрешни работи.

Лога се обидува да ѝ „држи“ на Сиљановска-Давкова, претседателката на РМ и уставно-правен експерт, „јавно предавање“ за правосудниот испит и за непостојната „државотворност на албанскиот народ“?!

„Синоќа во емисијата на ТВ 21 Сиљановска се обиде да ги избегне дискусиите и да ги изигра фактите поврзани, со правосудниот испит, изнесувајќи и неколку ставови, кои веќе се надминати како проблематика. Постои суштинска разлика, што оваа политичка класа со југословенско наследство, претставувана од Сиљановска, треба да ја разбере: албанскиот јазик не е ‘малцински јазик’, како што таа ‘погрешно’ го претставува во континуитет, туку е јазик на околу една третина од населението во оваа држава и на еден од државотворните народи, заедно со македонскиот народ.“ – наведува поранешниот министер за правда од ДУИ Кренар Лога, кој со оваа објава преку фејсбук, всушност, се обидува да ѝ „држи“ на претседателката на Република Македонија и уставно-правен експерт проф.д-р Гордана Сиљановска-Давкова “јавно предавање“ за правосудниот испит и за „државотворноста на албанскиот народ“ (?!), иако таква „државотворност“ не постои како уставно-правна категорија во македонската држава, зашто во неа единствено државотворен народ е само македонскиот народ! Неприфатливоста на интонацијата на Лога е и поради тоа што тој недолично фактички ѝ ја игнорира функцијата претседателка на Република Македонија на Гордана Сиљановска-Давкова и ѝ се обраќа само само по презиме.
Сите вести од Македонија

Најнови вести

To top