Денеска во Берлин имав конструктивна и пријателска средба со вицеканцеларот на Сојузна Република Германија и ко-претседател на СПД, Lars Klingbeil, објави лидерот на СДСМ Венко Филипче.
Филипче во Берлин со својот домаќин се согласил дека СДСМ ги исполнила стратешките цели на Македонија.
,,СПД е наш силен поддржувач во евроинтеграцискиот процес. Заеднички е ставот дека со државнички и правилни одлуки во перидот на Владата на СДСМ, ги исполнивме стратешките цели за државата – Македонија стана земја членка на НАТО и ги отпочна преговорите со ЕУ.
Се согласивме дека европската перспектива е единствениот пат за стабилност, развој и реформи – економски, институционални и правни. Затоа е важно Македонија да продолжи по европскиот пат, секое ново одложување на овој процес е ризик за напредокот и иднината на државата.
Ја нагласивме важноста од натамошно унапредување на меѓупартиската соработка и размена на искуства меѓу СДСМ и СПД, како сестрински партии кои делат заеднички социјалдемократски вредности, базирани на солидарност, еднаквост, владеење на правото и социјална сигурност”, пишува Филипче.
Во објавата нема информација дали европратениците на СПД ќе гласаат контра бугарските и грчките амандмани на пленарната седница на ЕП каде ќе се усвојува извештајот за Македонија.