Македонија

Аеродром прва општина со системска селекција на пластичен отпад во домаќинствата

Проектот ќе опфати вкупно 600 домаќинства, а во првата фаза 50 домаќинства ќе добијат специјални канти за селекција на пластика

1 минута за читање

Општина Аеродром станува прва општина што воведува системска селекција на пластичен отпад директно од домаќинствата. Со овој проект, секое пластично шише и пластично пакување ќе има своја вредност, а граѓаните ќе придонесуваат за почисто и поодговорно општество.

Проектот ќе опфати вкупно 600 домаќинства, а во првата фаза 50 домаќинства ќе добијат специјални канти за селекција на пластика. Со Одлука на Советот на Општина Аеродром, ЈП за комунални дејности ќе го спроведува проектот, ќе ја поттикнува селекцијата кај граѓаните и ќе го предава отпадот на овластени компании за понатамошен правилен третман.

Овој проект е продолжување на Clean AirDrom, за кој е обезбедено и специјално електрично товарно возило за еколошки транспорт на отпад.

Со оваа иницијатива, Општина Аеродром ја намалува количината на мешан комунален отпад, ја штити животната средина и го поттикнува развојот на свесни граѓански навики.

Поврзани теми:

актуелно|Општина Аеродром|селекција на отпад

Повеќе на оваа тема:

Најнови вести од: Македонија

ТВ Канал 5: Објавена е пречкртана фотографија на Александар Видиновски со „наскоро“, што може да се толкува и како нова закана и повик за убиство!

„Продолжува серијата напади врз новинарот на ТВ Канал 5 Александар Видиновски.“ – објави ТВ Канал 5 во својата фото-вест со наслов „Дали е ова закана за убиство на нашиот колега Александар Видиновски?“

Лога: Државата треба да им помогне на Ромите со финансирање, за да добијат возачки дозволи

Во врска со протестите на дел од граѓаните од ромска националност, поради неколкуте одземени возила п, од причини на немање возачки дозволи, поранешниот министер за правда и поранешен член на АА Кренар Лога изјави дека „државата треба да им излезе во пресрет при нивното барање да полагаат возачки испити“.

Алиу: Од денеска достапен нов портал со листа на закажани хирургиски интервенции – Пациентите ќе знаат колкава е листата за чекање

Министерот за здравство Азир Алиу денеска го претстави новиот модул за електронска евиденција за селективни хирургиски интервенции во јавните здравствени установи. Пациентите што имаат закажано вакви интервенции преку порталот ќе може да видат кога им е закажана интервенцијата и да видат колку е долга листата на чекање. Алиу појасни дека на јавниот портал, кој се наоѓа на веб-страницата на Министерството, ќе биде достапна листа на закажани селективни хирургиски интервенции, со јасна категоризација на интервенциите и стандардизирани правила за внесување и ажурирање на податоците.

Скопските занаетчии се против минимална плата од 600 евра, оти „драстично ќе ги зголеми придонесите за плати“

„Зголемувањето на минималната плата на бараните 600 евра ќе предизвика затворање голем број занаетчиски дуќани и отпуштање вработени.“ – смета Занаетчиската комора – Скопје.

ВМРО ДПМНЕ: Ако има СДС докази за поврзаност на лица од власта со 5 тони дрога да ги достави до ЈО! Проверија во фабриката за марихуана кај Заев?!

„Ако има СДС докази за некаква вмешаност на поединци од власта во случајот со 5 тони дрога нека ги достави до ЈО, во спротивно ќе добие тужба. СДС веќе ја претера. Навикнати сме на лаги, манипулации, шпекулации и ширење на невистини од нивна страна, но ова веќе ја прелea чашата.“ – реагира ВМРО ДПМНЕ.

Мицкоски: Владата нуди единствена формула за пресметување и етапно зголемување на платите на административците

„Владата има своја формула за пресметување на платите на вработените во администрацијата. Најголем дел од претставниците на синдикатите, и репрезентативните и од гранковите, се согласни со таа позиција на Владата, со неколку исклучоци. Формулата што ја нуди Владата во врска со тоа како ќе следи зголемувањето на платите на административците етапно ќе значи повисоки примања за нив, а не само за онолку средства колку што ќе расте минималната плата.“ – посочи денеска премиерот Христијан Мицкоски, одговарајќи на прашања на новинарите во врска со актуелните разговори за покачувањата на минималната плата и зголемувањето на платите за вработените во јавната администрација со синдикалните претставници.
Сите вести од Македонија

Најнови вести

To top