Според познатиот американски новинар Такер Карлсон, еден член на Конгресот му се доверил дека вчера членовите на Конгресот биле информирани за претстојна воена операција против Венецуела.
Објавата на војна, според Карлсон, би можела да биде официјално објавена вечерва за време на обраќањето на претседателот Доналд Трамп до нацијата, кое е закажано за 21 часот по источно американско време (3 часот наутро по Македонско време) од Овалната канцеларија во Белата куќа.
Оваа вест предизвика голем интерес и шпекулации во јавноста, бидејќи доаѓа во период на зголемени тензии меѓу САД и Венецуела, вклучувајќи блокади на нафтени танкери и обвинувања за тероризам и трговија со дрога од страна на режимот на Николас Мадуро.
Сепак, официјалните информации од Белата куќа укажуваат дека обраќањето ќе се фокусира главно на постигнувањата на администрацијата во изминатата година и плановите за иднината, со акцент на економијата и достапноста на животот. Дали оваа гласина ќе се потврди или ќе остане само шпекулација, ќе дознаеме по обраќањето на претседателот Трамп.