Македонија

Мечка се шета низ гостиварско село (ВИДЕО)

Ловечкото друштво ДРЕНИ повикува на претпазливост

1 минута за читање

Мечка беше забележана во дворот на семејна куќа во гостиварското село Дебреш. Снимките од безбедносните камери јасно покажуваат како животното ја прескокнува оградата и трча низ тревата.

Околу петнаесетина минути подоцна, на друга снимка, мечката се гледа како поминува низ празен паркинг.

Ловечкото друштво „ДРЕНИ“ од Дебреш веднаш упати апел до жителите да бидат особено внимателни, особено навечер и во текот на ноќта.

Од друштвото ги повикаа граѓаните да не ги оставаат децата сами надвор, да внимаваат на постарите лица и во никој случај да не ѝ се приближуваат на мечката доколку ја забележат.

„Доколку забележите мечка, не ѝ се приближувајте и не се обидувајте да ја вознемирувате“, предупредуваат од ловечкото друштво.

Граѓаните што ќе го забележат животното треба веднаш да ја известат полицијата или да се јават во ловечкото друштво на телефонскиот број 070 360 333.

Од „ДРЕНИ“ нагласуваат дека безбедноста на жителите, особено на децата и постарите лица, е приоритет и дека се подготвени да соработуваат со надлежните институции.

Поврзани теми:

мечка|ДРЕНИ|семеен двор|избор|гостивар

Повеќе на оваа тема:

Најнови вести од: Македонија

Мицкоски: Ако не се свртиме кон семејните вредности и многудетните семејства економијата ќе биде на удар

Ако не се свртиме кон семејните вредности и кон многудетните семејства и ако тие вредности не ги промовираме, македонската економија ќе биде прва која што ќе биде на удар, истакна денеска премиерот Христијан Мицкоски, коментирајќи ја изјавата на вицепремиерот и министер за транспорт, Александар Николоски дека до 2030 година годишно ни се потребни 50.000 странски работници, за да го држиме нивото на БДП што го имаме сега.

ОКТА продолжува со попуст од два денари по литар дизел гориво

Како одговор на најновите случувања на меѓународните пазари на горива, ОКТА АД – Скопје воведува привремен попуст од 2 денари по литар дизел гориво, со важност од денеска, 20 октомври 2026, до 2 ноември 2026 г.

(Фото): Работна средба за инфраструктурните приоритети на Карпош

Градоначалникот на Општина Карпош, Сотир Лукровски, се сретна со ресорниот министер за транспорт, Александар Николоски, каде беа разгледани тековните инфраструктурни проекти и можностите за нови инвестиции во интерес на граѓаните.

Мицкоски: Усниот дел од правосудниот испит треба да се полага единствено на македонски јазик

Писмениот дел од правосудниот испит да се полага на јазикот на кој е завршено високото образование, а усниот на македонски јазик. Ова е ставот на македонската Влада, кој денеска го соопшти премиерот Христијан Мицкоски, по вчерашното одбивање на ваквиот предлог од студентите Албанци, на средбата со министерот за правда, Јетон Шасивари.

Клековски: Со бугарската министерка се согласивме дека случајот со Ива е правно, а не здравствено прашање

Македонскиот министер за здравство Сашо Клековски изјави дека за време на средбата со бугарската министерка за здравство во Софија била постигната премолчена согласност дека случајот со Ива Михаилова не е прашање од областа на здравството, туку од надлежност на правосудните институции.
Сите вести од Македонија

Најнови вести

To top