Македонија

Костадиновски: Со Бадентер во Уставниот суд – клуч на врата

Новогодишен брифинг на претседателот на Уставниот суд

2 минути за читање

Ако одлуките на Уставниот суд треба да се носат со Бадентерово мнозинство, тогаш граѓаните може слободно да заборават на правната држава, а институцијата да стави клуч на врата. Вака остро реагира претседателот на Уставниот суд, Дарко Костадиновски, коментирајќи ги политичките условувања кои ги постави лидерот на ДУИ каков услов за влез во било која идна влада.

„Ако тоа се случи, во истиот момент граѓаните можат да заборават на правната држава, во истиот момент можат слободно да стават клуч и да ја затворат оваа институција. Бадентерот е корисен механизам за општества како нашето, но во политичките органи. Таков орган е Собранието. Но Уставен суд да се сведе етнички аргументи да бидат пресудни – нема потреба од ваква институција“, изјави Костадиновски.

Во своето годишно обраќање, Костадиновски истакна дека и покрај динамичните политички процеси, жестоките притисоци и обидите за влијанија, Уставниот суд успеал да остане цврст столб на правната држава, водејќи се исклучиво од лојалност кон Уставот.

Посебен акцент во обраќањето беше ставен на предметот за Законот за употреба на јазиците, кој со месеци е во фокусот на јавноста. Костадиновски информираше дека подготвителната седница за овој закон досега била одложена двапати, поради сложеноста на предметот и обемот на материјалот.

Тој појасни дека одложувањата не се резултат на политички притисоци, туку на потребата од темелна и одговорна уставно-судска анализа.

„Моите очекувања се дека во текот на јануари, јас како претседател, кога ќе го добијам предметот на работен состанок, ќе го предложам прашањето дали ќе продолжиме со подготвителна седница. Јас лично ќе се залагам за тоа“, изјави Костадиновски.

Во изминатата година, Уставниот суд оформил рекордни 306 предмети, од кои 271 се иницијативи од граѓани, што според Костадиновски покажува дека граѓаните во Судот го препознаваат последното правно засолниште. Решени се 225 предмети, но меѓу нив не е и оној кој се однесува на линераното покачување на пензиите. Судот за тоа дополнително ќе треба да се изјасни, откако првото гласање беше нерешено, односно не беше изгласано од страна на сите судии.

Костадиновски најави и реформи за наредниот период – воведување уставна тужба и пренос во живо на седниците, како чекори за поголема транспарентност и враќање на довербата кај јавноста.Обраќањето го заврши со апел до Судскиот совет и Собранието итно да ги пополнат двете испразнети места со избор на уставни судии, како и со порака до политичарите и институциите да се воздржат од притисоци и етикетирања.

Поврзани теми:

топ|ДУИ|уставен суд|барање|Бадентер|Судии|уставни судии

Повеќе на оваа тема:

Најнови вести од: Македонија

„СДК“: На „Маркова нога“ ќе се обнови спомен-плочата за седумте младинци од Лерин, ѕверски убиени на 17.1.1944 од бугарскиот фашистички окупатор

„На седумте младинци борци од Лерин, ѕверски убиени на 17 јануари 1944 година од бугарскиот фашистички окупатор“, пишува на спомен-плочата на граничниот премин Маркова Нога. Повторното отворање на граничниот премин Маркова Нога во Преспа ќе нема само политичко, и економско начење. Преминот ќе биде и место за историско сеќавање бидејќи непосредно до него, на македонската страна, се наоѓа спомен-плочата за седумте младинци од Лерин кои беа измачувани и убиени од фашистичките сили за време на Втората светска војна, објави информативниот портал „СДК“.

Монах Амвросиј: Свети Наум ја градеше душата на древниот македонски народ, кој стои со својот идентитет во темелите на европската цивилизација! (2)

„Во тишината на бреговите на Охридското Езеро манастирот ‘Свети Наум’ со векови ја чува духовната светлина на македонскиот народ.  За да ја разбереме духовната мисија на манастирот ‘Свети Наум’ денес мораме да погледнеме во длабочината на нашиот историски и духовен континуитет. Кога Свети Наум го основал овој манастир во 905 година на брегот на Охридското Езеро, тој не градел само ѕидови, туку ја градел душата на еден народ. Ова свето место не е само нем споменик од минатото, туку жива лулка, во која пулсираат македонскиот идентитет и нашата национална меморија. Манастирот ‘Свети Наум’ е жива историска енциклопедија, во која е впишан целиот македонски национален и духовен код. Овде не се вкрстувале само патиштата на обичните луѓе, туку овде се кршеле копјата на најголемите империи, а манастирот секогаш останувал исправен како светилник на нашата самобитност. Затоа, манастирот ‘Свети Наум’ не е само историја. Тој е жив доказ дека еден народ, што го изградил својот идентитет врз писменост, вера и манастирска непокорност, никогаш не може да биде избришан од мапата на светот!“ – нагласува во интервју за „Нова Македонија“ монахот Амвросиј, жител на ова свето место и моментно студент на Московската духовна академија.

Мицкоски: Очекувам во јунскиот извештај на ЕУ да бидеме најдобри исто како во декемврискиот, има уште време за разговори со опозицијата за изборниот закон

Премиерот Христијан Мицкоски денеска повтори дека очекува во јунскиот извештај на ЕУ да бидеме најдобри исто како и во декемврискиот. Тој уште еднаш повика на разговори со опозицијата за Изборниот законик, за што кажа дека се уште има шанса да биде донесен и да биде исполнет и десетиот чекор од зададениот грејс период.

Денес се одбележуваат великото дело и личноста на Свети Наум Охридски, еден од основоположниците на македонската и сесловенската писменост (1)

Денес Македонската православна црква – Охридска Архиепископија и сиот македонски народ, не само оние, кои се православни христијански верници, го одбележуваат црковно-народниот празник, посветен на личноста и великото дело на Свети Наум Охридски – Чудотворец, еден од основоположниците на македонската и сесловенската писменост и просвета, заедно со светите браќа Кирил и Методиј, како и со Св. Климент. Свети Наум Охридски останува запаметен како исцелител и просветител на македонскиот народ, но како и заштитник на манастирот „Св. Наум“ во Охрид. Охридската книжевна школа, како најстара средновековна македонска книжевна школа, е формирана во 886 година од Свети Климент Охридски. Во 893 година на Климент му се придружува Свети Наум Охридски, откако Климент е назначен како епископ. Во рамките на Охридската книжевна школа биле обучени повеќе од 3.500 ученици и таа одиграла клучна улога во описменувањето, како и во ширењето на македонската и словенската писменост и култура.
Сите вести од Македонија

Најнови вести

To top