Бизнис

АЕК: Македонија во топ 10 земји со најдобар интернет во Европа, Третиот мобилен оператор ке започне со работа во 2026

Годината 2025 е оценета како позитивна за развојот на пазарот на електронски комуникации, со позитивен тренд на сите параметри.

2 минути за читање

Агенцијата за електронски комуникации (АЕК) во 2025 година регистрирала 346 барања за решавање спорови од граѓани против телекомуникациските оператори, во споредба со 363 во 2024 година.

Најчестите причини за жалби се неквалитетна услуга, измени во условите на претплатничките договори, високи сметки и наплата на казнени пенали при раскинување на договор.
Од донесените решенија:

45 се усвоени;
14 делумно усвоени;
40 предмети затворени по меѓувремено постапување на операторот;
109 одбиени.

Останатите барања биле непотполни, повторени, надвор од надлежност или отфрлени.

Од АЕК истакнуваат дека граѓаните соодветно ги користат механизмите за заштита.

Годината 2025 е оценета како позитивна за развојот на пазарот на електронски комуникации, со позитивен тренд на сите параметри. Операторите обезбедуваат просечна брзина на 5G пристап од околу 340 Mbps во градовите и 120 Mbps на патиштата, со што веќе се надминати таргетите од Националниот оперативен бродбенд план (НОБП) предвидени за 2029 година (минимум 100 Mbps). Ова ја позиционира Македонија меѓу првите 5-10 земји во Европа по квалитет на мрежите.
Клучни новини за 2026 година:

Влез на трет мрежен оператор во мобилната телефонија (единствениот понудувач „Оне Македонија телекомуникации“ на унгарски „4iG“; рок за избор на најповолен понудувач до 12 јануари 2026, доделување фреквенции до 25 февруари 2026);
Ставање во функција на телекомуникациската кула на Водно (најдоцна до 31 јануари 2026), за подобрување на електромагнетната компатибилност и безбедност во воздухопловните служби;
Можност за воведување на T-DAB дигитално радио од страна на ЈП Македонска радиодифузија по 1 јануари 2026 (според новиот Закон за електронски комуникации, усогласен со европското право).

Заклучно со вториот квартал на 2025 година:

1.954.643 претплатници во мобилна телефонија;
457.763 фиксни линии;
549.109 пристапи до интернет со широк опсег;
1.615.040 преку мобилни мрежи (2G/3G/4G/5G);
441.523 претплатници на ТВ услуги.

Приходите на АЕК за 2026 година се планирани на 636.750.000 денари (26% помалку од 2025), од кои најголем дел (520 милиони) од надоместоци за радиофреквенции.

Поврзани теми:

АЕК|4iG|брзина на мрежа|топ 10 во европа|трет мобилен оператор

Повеќе на оваа тема:

Најнови вести од: Бизнис

Анѓушев за BLOOMBERG: Македонија може да ја складира евтината струја во батерии да ја извезува кога цените се повисоки

Македонија треба забрзано да ги зголемува капацитетите за складирање електрична енергија преку инсталирање повеќе батериски системи, со што ќе може да ја складира струјата во периодите кога е евтина

Колку чини да се наполни резервоарот во Македонија, а колку преку граница?!

Ако се пресмета резервоар од 50 литри, во Македонија за бензин би биле потребни околу 75,5 евра, додека во Грција околу 100 евра. Кај дизелот, 50 литри во Македонија чинат околу 82 евра, а во Албанија речиси 112 евра.

„Рапид Билд“ ќе го гради гасоводот кон Србија, проектот тежи 29,4 милиони евра

Македонскиот дел од интерконекторот ќе биде долг 22,4 километри, со дијаметар од 500 милиметри. Почетната точка ќе биде кај блок-станицата „Клечовце“, а крајната точка ќе биде на границата со Србија, во близина на селото Сопот.

Револт во Телеком: Директорот со 20 илјади евра плата цел месец не дошол на работа

Незадоволство од актуелниот директор во Македонски Телеком. Дел од раководните структури се револтирани од тоа што генералниот директор Горан Марковиќ според нив, веќе околу еден месец не се појавил на своето работно место во Скопје

(Фото): Одбележен 28 август – благодарност до сите што работат под земја

Во 2025 година во Македонија биле произведени 130.174 тони бакарен, оловен и цинков концентрат, а рударството учествувало со 10,9 проценти во индустриското производство и со 2,8 проценти во вкупниот извоз на државата, истакна министерката за енергетика, рударство и минерални суровини Сања Божиновска по повод Денот на рударите.

Гасификацијата влегува во нова фаза – Македонија се врзува со Грција, Србија и Вертикалниот коридор

Новото раководство на НОМАГАС го предводи Недим Рама, како претседател на Управниот одбор и генерален директор. Крсте Миладинов е заменик-претседател на Управниот одбор и заменик-генерален директор, а членови се Бошко Стефановски, Хајриз Бучи и Огнен Димитров. На чело на Надзорниот одбор е Иво Малинов како независен член и претседател. Во одборот се и Агим Махмути, Златко Ацевски, Катерина Гичев и Саша Ангеловски.
Сите вести од Бизнис

Најнови вести

To top