Новогодишна трагедија: Почина двегодишно дете кое беше погодено од куршум на новогодишната ноќ

Утрово на скопските клиники почина двегодишното дете кое беше тешко повредено за време на новогодишната ноќ во Скопје, откако според првичните информации било погодено од метален проектил, најверојатно заталкан куршум, додека со мајка си гледало огномет.

Инцидентот се случил додека мајката го држела детето во раце надвор од домот. По ударот, детето итно било пренесено во Градската болница, а поради сериозноста на повредите – префрлено на Клиниката за детска хирургија. Лекарите констатирале крварење во мозокот со зафатени сите мозочни комори. Детето било во животозагрозувачка состојба под постојан медицински надзор.

Двегодишно дете погодено со куршум во главата, состојбата му е критична, бурно ja поминалo ноќта на хируршките клиники

Министерот за внатрешни работи Панче Тошковски претходно информираше дека ова е еден од најсериозните инциденти за време на новогодишната ноќ, со потврда дека повредата е предизвикана од метален фрагмент, а околностите сè уште се предмет на полициска истрага.

Најчитани вести

Признание: Бугарија управува и финансира медиуми во Македонија, еден од нив постојано го пренесува Љубчо Георгиевски