„Велешанецот Лучијано Чорев по вторпат и годинава подели бадникови оброци за своите сограѓани, случајни минувачи во центар на Велес, пред поранешната Стоковна куќа „На-ма“. Слава на Бога“! – објави на својот фејсбук-профил Славица Ќулафкова од Радио „Голди“.
Чорев истакна дека сака вечерва на Бадник да има посна трпеза во сечиј дом во Велес.
Денешната убава глетка кога млад сограѓанин подарува храна нека биде мотивирачка за колку е можно поголем број велешани. Вакви хумани гестови, за одредена ранлива категорија сограѓани, се потребни речиси секојдневно. Тие се особено значајни кога се слават празници, меѓу нив и најголемите како Божиќ и Велигден кога не треба да остане празна трпезата во ниеден дом!
„Дума“