Македонија

Зошто сопственикот на „Марковски компани“ Борче Марковски е пуштен од притвор?!

Во јануари годинава битолското Обвинителство поднесе обвинение против Борче Марковски и уште двајца вработени во фирмата, како и против петмина поранешни раководители во РЕК Битола, меѓу кои и поранешниот директор Пеце Матевски. Марковски беше во  притвор по апсењето на 9 октомври. Тој и уште седум лица се сомничат дека незаконски наплатиле над 1, 7 милиони евра од РЕК Битола, иако дел од договорените работи не биле извршени.

3 минути за читање

Куќа со двор и 3 стана во Битола, 25 булдожери и камиони, се гаранцијата која ја дал сопственикот на „Марковски компани“ и почесен конзул на Белорусија, Борче Марковски за да биде пуштен од притвор. Одлуката ја донел Основниот суд во Битола иако претходно битолското Обвинителство се изјаснило негативно по неговото барање. Судот донел одлука за мерки на претпазливост, односно еднаш неделно да се јавува во судот. Привремено му е одземен пасошот.

Од Обвинителството дале и приговор во однос на надлежноста на Кривичниот совет од битолскиот Суд, бидејќи сметале дека Апелационит суд треба да одлучува. Во јануари годинава битолското Обвинителство поднесе обвинение против Борче Марковски и уште двајца вработени во фирмата, како и против петмина поранешни раководители во РЕК Битола, меѓу кои и поранешниот директор Пеце Матевски. Марковски беше во  притвор по апсењето на 9 октомври. Тој и уште седум лица се сомничат дека незаконски наплатиле над 1,7 милиони евра од РЕК Битола, иако дел од договорените работи не биле извршени.

Тој е во центарот на аферата со ископ на јаглен за „РЕК Битола“ со години важи за највлијателен  во регионот. Неговата компанија, основана во 2002 година, во 2024 година остварила  приходи од над 45 милиони евра, сума која ја позиционира меѓу најголемите градежни фирми во Македонија. „Марковски Компани“ со години добивала  огромни договори во РЕК Битола, ископ на јаглен, јаловина, одржување и механизација. Најголемиот тендер во 2023 година беше вреден рекордни 46 милиони евра.

Во врска со ова, денеска со соопштението до јавноста реагираше и Основниот суд Битола. Во него, на крајот се вели: Во интерес на јавното мислење напоменуваме дека со обвинението осомниченото физичко лице се терети дека незаконито заради незавршени работи, на осомниченото правно лице му била исплатена имотна корист во вкупен износ од 106.200.000,00 денари, од кои 90.000.000,00 денари, претставуваат надомест за вршење на договорни услуги, а 16.200.000,00 денари, претставуваат износ на ДДВ по стапка од 18%.

  • „Со привремените мерки замрзнати му се парични средства од  4.073.643,00 денари и 572,97 евра, како и финансиските средства кои се наоѓат на сметките на осомниченото правно лице во износ од 2.813.636,00 денари. Гаранцијата е определена на износ од 303.879.265,00 денари или 4.937.317 евра, што значи дека гаранцијата е скоро три пати повисока од евентуалната имотна корист, а и му се замрзнати финансиски средства. Крајно од страна на Основното јавно обвинителство Битола дадено е позитивно мислење за прифаќање на гаранцијата во износ од 169.286 евра – во недвижен имот, за едниот осомничен. Друго е прашањето и зошто од 9 (девет) обвинети, во текот на истражната постапка само за двајца е предложена мерка притвор од страна на Основното јавно обвинителство Битола.“

Поврзани теми:

РЕК Битола|битола|pritvor|суд|компанија|Марковски

Повеќе на оваа тема:

Најнови вести од: Македонија

Девојче (12) од Штип тепано, клоцано, снимано со месеци, адвокатката Ристова ги гони родителите на насилниците и снимачите! (Вознемирувачко видео)

Страотни снимки од насилство врз дете сподели адвокатката Маја Ристова, која посочи дека станува збор за врсничко насилство во Штип. На нив се гледа како на девојче му се удираат шлаканици, удирано со боксови по глава и тело, но и клоцано додека лежи на земја. Насилството, според наводите, се случувало на повеќе локации во градот. Во изминатиот период зачестени се случаите на врсничко насилство. Пред ова, јавноста беше потресена и од случајот во Ѓорче Петров, каде девојче, според информациите, било тепано, раскрварено, горено со цигари и присилувано на понижувачки дејства од група врсници.

Јанев: Кога полицијата стои цврсто, државата стои исправено, таа е посилна од агресивните криминални групи и се бори системски и бескомпромисно против нив!

-Криминалот е технолошки напреден, приспособлив и агресивен. Се обидува да навлезе во сите делови на самиот систем, да ја поткопа довербата и да ја ослаби силата на институциите. Нашата порака е јасна: државата е посилна. Водиме одлучна, системска и бескомпромисна борба против криминалните групи во сите области. Системски дејствуваме врз нивните структури, врски, нивната логистика и нивниот капитал. Никој не е над законот, потенцираше директорот на Бирото за јавна безбедност при МВР, Александар Јанев на централната манифестација по повод 7 Мај – Денот на македонската полиција.

Тешки провокации на Села: Албанците не се малцинство, туку автохтон народ со капацитет да води војна, или да ја дестабилизира С.Македонија, но и да ја одржува стабилна!

„Во С.Македонија постои двонационална ралност, албанска и македонска реалност и затоа ние бараме бараме институциите да функционираат на два јазика. Албанците не можат да бидат третирани како малцинство, тие се автохтон народ, кој учествува со повеќе од една третина во вкупното население. Албанците имаат капацитети да водат војна, или да ја дестабилизираат државата, но и да ја одржуваат С.Македонија како стабилна. Без Албанците таа не може да има перспектива, ниту иднина.“ – изјави Зијадин Села во својство како лидер на новооснованата албанска партија „Албанско движење“ во интервјуто за локалниот медиум на албански јазик „ Полог њуз“

Мицкоски: Во здравството се пишуваат дежурства за 31 работен ден во февруари!

Во здравството се пишуваат дежурства за 31 ден работен во февруари, со 24 часа работа, а истовремено се очекува да вложуваме во здравството, вели премиерот, Христијан Мицкоски, и додава дека сите треба многу повеќе да водиме сметка за општиот интерес и интересот на граѓаните. Тој, одговарајќи на новинарско прашање што да очекуваат граѓаните дали ќе има ново проширување на позитивна листа на лекови, најави дека во месеците кои што следат ќе има ново проширување на лекови на позитивната листа.

Чавков: Судењето за „27 април“ не може да се одвои од променатa на уставното име на Република Македонија!

Судењето за „27 април“ не може да се одвои од тогашните политички процеси во државата, особено процесот за промена на уставното име на Република Македонија. Паралелно со судењето: се одвиваше референдумот, почна процесот на уставни измени, а во текот на самата доказна постапка беше донесен и Законот за амнестијата. Од вкупно 33 обвинети, по амнестијата, останавме 16 лица, а се создаде впечаток дека амнестијата имаше и силна политичка функција во обезбедувањето на потребното двотретинско мнозинство за уставните измени за менувањето на името – рече во интервју за МИА, Митко Чавков, по излегувањето од затворот во Штип

Казната за Стојанче Јовановски од 12 години затвор е прва во историјата на Македонија за наведување на самоубиство поради семејно насилство

Неопходна е поопсежна анализа на законите поради несовпаѓањето на висината на казните со тежината на последиците во случаите со смртен исход, истакна денеска јавната обвинителка Адела Бојчевиќ, по изрекувањето на првата неправосилна пресуда за Стојанче Јовановски во траење од 12 години затвор за три кривични дела поврзани со постојано семејно насилство, кое предизвика трагична смрт на неговата сопруга и нивната малолетна ќерка.
Сите вести од Македонија

Најнови вести

To top