Македонија

Викендов на Попова Шапка Алпски куп на најмладите скијачи од Македонија!

По повеќе децении, името на легендарниот скијач Диме Јовановски – Флејта повторно оживува на Попова Шапка. Клубот кој го носи неговото име, а некогаш функционирал и како ски-училиште, повторно е активен и е интегриран во Скијачката Федерација на Македонија. На 31 јануари и 1 февруари 2026 година, Скијачкиот клуб „Диме Флејта“ од Тетово ќе биде домаќин на натпревари за најмладите скијачи од државата. Настанот има за цел да ги собере децата и да ја промовира скијачката култура меѓу најмладите генерации.

Натпреварите ќе се одржат во дисциплините велеслалом и слалом, како дел од Алпскиот куп, и ќе бидат наменети за категориите U8, U10, U12, U14 и U16, во машка и женска конкуренција. Саботата е резервирана за велеслалом, а слаломот ќе се вози во недела, на патеките во Ски центарот Попова Шапка.

Настанот се организира под покровителство на Скијачката Федерација на Македонија, со поддршка на Ски центарот Попова Шапка и Хотел „Резиденс Шара 1810м“. Клубот „Диме Флејта“ е основан уште во 1961 година и низ годините работел и како школа на старото детско одмаралиште на Попова Шапка, каде бројни генерации тетовчани, но и деца од поширокиот регион, ги направиле своите први скијачки чекори.

Најнови вести од: Македонија

Светско признание за министерот Тошковски за „Безбеден град“ (ВИДЕО)

Наградата претставува меѓународно признание за проектот насочен кон подобрување на безбедноста во сообраќајот преку примена на современи технологии, автоматско регистрирање на сообраќајни прекршоци и дигитализација на постапките

Ахмети: Балканските криминалци соработуваат, но не и политичарите

„Трагедијата е во тоа што народите и политичарите кои ги претставуваат – и Македонците, и Албанците, и Србите – не успеваат да соработуваат за да изградат мирен Балкан и посигурна иднина за сите нас“, вели лидерот на ДУИ

To top