Македонија

Костадинов сепак нема да се трка како независен кандидат за градоначалник

Јас се повлекувам во тишина, за да создадам нова визија за СДСМ – партија со авторитет, со план, со луѓе кои разбираат стратегија и знаат дека партијата е жив организам, а не штаб за оговарање

3 минути за читање

Градоначалникот на СДСМ Костадин Костадинов во објава на Фејсбук најави дека нема да се трка како независен кандидат на претстојните локални избори во октомври.

Во новата објава, Костадинов вели дека се повлекува за да се врати достоинството на СДСМ. Тој вели дека на неговите сопартијци од СДСМ им требале неполни 24 часа „да си го покажат лицето“ и дека „пуштаат анкети со лајкови по групи на Фејсбук“.

„Некогаш, за да си ги видиш луѓето околу себе, не треба повеќе од една реченица. Толку е доволно да го прочиташ пулсот.
Да видиш кој што мисли, кој мисли како тебе, кој не мисли воопшто. Да видиш која е вистинската состојба на партијата – има ли таму уште искрени луѓе или само спакувани кариери со фолија за замрзнување.

Кога споменав можност за независна кандидатура – без воопшто да одлучам – мислев дека ќе треба барем две недели за да се охрабрат и најголемите глумци да го покажат лицето. Не. Не им требаа две недели. Им требаа помалку од 24 часа.
Секоја чест на исклучоците – на вистинските другари, чесните, лојалните, тие што навистина сакаат СДСМ да си го врати достоинството.

А раководството? Раководството си донесе одлука – и покрај мое убедливо водство на сите анкети. Но, во обид да го убијат разумот, почнаа да пуштаат анкети на Фесјбук, со лајкови по групи, затоа што веќе не веруваат ни во анкетите што самите ги платиле.
Епа, жално. Со такво раководство, многу е и една општина да се победи.

Не, јас не одам како кандидат. Јас се повлекувам во тишина, за да создадам нова визија за СДСМ – партија со авторитет, со план, со луѓе кои разбираат стратегија и знаат дека партијата е жив организам, а не штаб за оговарање.

И да не се лажеме – не сум политички наивен. Не сакам да бидам маша во сценарио за изборен пораз. Брзо го загризаа тој наратив, но уште побрзо ќе го голтнат поразот. Мојата стратегија ќе биде јасна – и ќе биде поделена во два дела:

🔸 Првиот – во септември.
🔸 Вториот – по завршување на локалните избори.

До тогаш, правете си анкети по Фејсбук групи. Дури и тоа нека помогне да се победи барем во една општина. Јас ќе останам член со замрзнат статус – додека не ги видам резултатите. После – ќе биде друга песна. На првиот тест, паднавте. Во октомври, играјте повнимателно. Народот не е повеќе глупав. Политиката е игра на мудрите, изгледа и мудрост ѝ фали на партијата.

Со почит, Костадин Костадинов

Политичар кој нема изгубено избори и знае кога е време да се повлече еден чекор, за да се врати достоинството на СДСМ“, вели Костадинов.

Во претходен пост Костадинов се обрати до неговите, како што вели , поранешни другари во партијата:

„До моите ‘другари’ бивши, скриени и сега веројатно платени: Гледам организирана хајка од дел од вас – ботови, дезертери и моментални хероји по задача. Ќе бидам краток. Додека ние, вистински социјалдемократи, водевме крвави битки за државата и за СДСМ, вие чувавте постери од Груевски по шкафови – „за не дај боже“. Затоа попуштете малку со хистеријата, пред да морам да почнам со имиња и примери. Ако не можеме да изградиме партија, ајде барем да останеме луѓе. Секоја чест на исклучоците – нив ги гледам, ги почитувам и ги ценам“.

Поврзани теми:

топ

Најнови вести од: Македонија

„Фол“: Таравари се обидува очајнички со патриотски говор да го прикрие својот спектакуларен неуспех во управувањето со Гостивар!

„Пред да зборува за ‘волјата на суверенот’ и за ‘историските победници’,  подобро е Арбен Таравари да ги објасни историските долгови, урбанистичкиот отпад и политичкото дезертерство, што го карактеризираат. Бидејќи историјата не го препознава како симбол на отпор, туку како пример за неуспех, кој се обидува да се скрие зад големи зборови“. – нагласува информативниот портал на албански јазик „Фол“ во својот редакциски коментар со наслов „Таравари, симболот на неуспехот, што се обидува да се маскира со патриотски говор“.

Скопје често се смета за еден од најевтините европски градови – како е оценета макдонската метропола?!

Скопје, енергичниот главен град на Македонија, нуди достапно европско бегство со неверојатни пејзажи, богата историја и уникатни културни искуства. Од убавината на Кањонот Матка до шармот на неговата Стара чаршија, тој е совршена дестинација за патници кои бараат вредност и автентичност.

Османи: Не се повлеков, туку се прекалибрирав! – Загубата е лекција за нова амбиција!

Бујар Османи, кој е по професија хирург во Клиниката за дигестивна хирургија на Клиничкиот центар во Скопје, и натаму е потпретседател на ДУИ. Останува да се види каква своја „нова амбиција“ најавува, за какво „приспособување“ говори, кон што и кон кого можеби, зашто терминот „рекалибрирање“, кој го користи во објавата, има токму такво приближно значење. Политичкиот аналитичар од Македонија Амир Шабани напиша во колумна на 26 октомври дека „Али Ахмети го жртвуваше свесно Бујар Османи, кандидирајќи го воопшто не со цел ‘да станел нов градоначалник на Чаир’“, туку „за да го исфрли од трката за нов лидер на ДУИ, која е веќе започната, зад сцената“! Во наредните денови треба да се искристализира и како ќе се постави Бујар Османи кон раздвижувањата во ДУИ, настанати по дебаклот на локалните избори, кон барањата за понесување одговорност и за оставки, а пред се Али Ахмети да се повлече во „политичка пензија“ како „највиновен за поразот“.
Сите вести од Македонија

Најнови вести

To top