Претседателот на пратеничката група на БСП-ОБЕДИНЕТА ЛЕВИЦА Драгомир Стојнев му подарил две книги на амбасадорот на Данска во Бугарија, Флеминг Стендер.
За време на состанокот на Комисијата за европски прашања во Националното собрание, на кој дипломатот ги презентирал приоритетите на данското претседателство со Советот на Европската Унија, пратеникот му подарил две книги со порака дека Македонија од секогаш била бугарска земја.
„Ова се белешки од вашите колеги, дипломати, пред 120 години во врска со Илинденско-Преображенското востание од 1903 година, кога бугарските земји останаа под влијание на Отоманската империја, а потоа народот се побуни. Бидејќи денес Република Македонија одбива да признае дека таму има граѓани со бугарски идентитет кои се нарекуваат Бугари. Покрај тоа, тие се прогонувани и репресирани“, тврди Стојнев.
Според него, во првата книга, во која во своите извештаи над 30 амбасадори во Цариград ги опишуваат страдањата на Бугарите во овие земји, има недвосмислени информации за бугарскиот етнички состав на населението во Македонија.
Втората книга содржи карти за Балканот во периодот од средината на 19 век до Првата светска војна, во која Македонија е означена или како дел од Бугарија или како посебен регион.
„Мислам дека овие книги ќе ви бидат корисно четиво за да знаете што навистина се случувало во нашите земји“, му порачал на данскиот амбасадор Драгомир Стојнев.
Данскиот амбасадор нема коментар за бугарската пропаганда.