Летот на „Виз Ер“ од Скопјe до Париз, поточно аеродромот Париз-Бове, утрово непланирано слетал во Брисел.
Летот W64719 на авионот „Ербас A321neo“ кој полетал од Скопје утрово во 6 часот и 15 минути од засега непознати причини наместо во Бове слетал во седиштето на ЕУ.
Компанијата Визер засега не објавува што точно се случило но извори на expres.mk од авиобизбисот тврдат дека на овој лет се појавил проблем што предизвикал објава на меѓународниот код за итни случаи, по што дошло до пренасочување на летот кон аеродромот Брисел Шарлроа.
Авионот од Скопје слетал безбедно во Брисел, а потоа повторно околу 08:30 од таму продолжил кон својата оригинална дестинација, Бове.
Иако сè уште нема официјална потврда од „Виз Ер“ или воздухопловните власти според експерти брзото свртување и пренасочувањето сугерираат дека веројатно се должи на медицински итен случај во авионот.
Медицински состојби се честа причина за неочекувани пренасочувања без поголеми тековни проблеми.
Досега нема извештаи што укажуваат на повреди, несреќи, големи технички дефекти, безбедносни закани или други сериозни прекини на оваа рута од Скопје
Визер важи за високобезбедна компанија која одржува голем број на летови од Скопје и Охрид и досега немала сериозен инцидент.