Успешно одржан настанот за проектот ELeVATE – поддршка на девојки и жени во Net-Zero технологии, а од следната недела ќе бидат објавени модулите за обука и сертификација на учесниците.
Воедно да потсетиме дека вчерашниот ден 11 Февруари беше Меѓународен ден на жените и девојките во науката.
Ден посветен на признавање на придонесот на жените во научните и технолошките области и поттикнување на поголемо учество на девојките во науката, истражувањето и иновациите.
Во Europe House во Скопје успешно се одржа официјалниот настан за почеток на кампањата во рамки на проектот ELeVATE – Women in Net-Zero Technologies (SEB), насочен кон поддршка на девојките и жените во зелените и одржливи „net-zero“ професии. Настанот се одвиваше во позитивна и професионална атмосфера, со обезбеден превод на македонски, албански и англиски јазик.
Проектот ELeVATE е финансиран од Европската комисија преку централизираната компонента на програмата Erasmus+ и има за цел да поттикне поголема вклученост на жените во енергетиката, зелените технологии и паметните решенија за објекти.
Како клучни говорници и поддржувачи настапија претставници од институции и релевантни организации, меѓу кои:
– Министерството за енергетика, рударство и минерални суровини
– Заменик министерството за европски прашања
– Националната агенција за европски образовни програми и мобилност
– Women in Tech North Macedonia
– Центарот за развој на Југоисточниот плански регион
Говорниците испратија силни пораки за важноста од поголема застапеност на жените во зелените и технолошките професии, споделија реални согледувања од своите области и дадоа јасна поддршка за целите на проектот. Дел од нив ќе се вклучат и како role models и ментори во претстојните работилници со девојки и жени.
Посебен впечаток оставија и инспиративните лични приказни од претставници на технолошката заедница и граѓанскиот сектор, кои покажаа дека со знаење, поддршка и можности, бариерите можат да се надминат.
Овој настан го означува почетокот на поширока програма што продолжува со работилници, менторства и конкретни можности за развој на кариера на девојки и жени во зелените, енергетските и net-zero сектори.
ACRID Network изразува благодарност до сите учесници, партнери и поддржувачи на настанот.