Македонија

Ристоска мора да знае дека ова се други времиња, подобноста не е критериум

Од ВМРО-ДПМНЕ тврдат дека дури и во приватни компании („Мамас“) се применувале повисоки стандарди за прием на кадар отколку во времето кога се избирале кадри во СЈО

2 минути за читање

Владејачката ВМРО-ДПМНЕ преку соопштение испрати одговор на денешната реакција на обвинителката Ленче Ристоска, која го критикуваше премиерот Христијан Мицкоски за нејзиното исклучување од трката за нов државен јавен обвинител. Од партијата порачуваат дека критериумите за оваа функција се променети и дека партиската подобност повеќе не може да се користи.

Во соопштението, ВМРО-ДПМНЕ потсетува дека Ристоска имала ангажман во Специјалното јавно обвинителство (СЈО), каде што била, како што велат, „десна рака“ на поранешната шефица Катица Јанева.

„Ристоска мора да знае дека ова се други времиња. Ако таа е навикната ‘подобноста’ да биде главен критериум, како што беше во СЈО, овој пат тоа не е случај. Сега се потребни интегритет, професионалност и одговорност“, велат од партијата.

Од ВМРО-ДПМНЕ тврдат дека дури и во приватни компании („Мамас“) се применувале повисоки стандарди за прием на кадар отколку во времето кога се избирале кадри во СЈО.

„Чудно е од друга страна пак што ист човек во својата приватна фирма (’Мамас’) да прима луѓе по одредени критериуми, а кога бирал за државно обвинителство примал луѓе кои беспоговорно го слушаат и без никакви критериуми“, се додава во соопштението од ВМРО-ДПМНЕ.

Нејзиниот неизбор, според партијата, е јасен сигнал дека партиските атрибути повеќе не се пресудни.

„Подобноста е најсилниот атрибут и особина на Ристоска и нејзиниот неизбор е токму сигнал дека тоа овде не е пресудно, туку далеку поразлични и побитни критериуми“, се додава во соопштението.

Од партијата ја повикаа Ристоска додека јавно говори за подобност и критериуми да престане да лобира кај функционери на ВМРО-ДПМНЕ.

Денешните реакции од Ленче Ристоска и од ВМРО-ДПМНЕ следуваат откако синоќа премиерот Христијан Мицкоски во телевизиско гостување изјави дека обвинителката Ристоска апсолутно не е во игра за избор за државен јавен обвинител.

Денеска обвинителката Ристоска реагираше на оваа изјава и рече дека кога кандидат однапред се исклучува без анализа на неговата програма и професионален пат се отвораат прашања за природата на критериумите што се применуваат во изборот.

Поврзани теми:

Христијан Мицкоски|актуелно|ВМРО-ДПМНЕ|јавен обвинител|Ленче Ристоска

Повеќе на оваа тема:

Најнови вести од: Македонија

(Видео): Пак ќе треба да се извинуваат, премиерот лут на СДСМ оти го мешале неговото семејство

Некаде треба да стигнете побргу и да се вратите побргу бидејќи имате обврски, а од друга страна имаме опозиција која е изгубена во своето политичко мочуриште. Повторно ни криви ни должни го мешаат моето семејство. Моето семејство беше таму, им се придружив, наместо три останав четири дена и пред нив се вратив со шефот на моето обезбедување, рече Мицкоски во однос на патувањето со владиниот авион во Сплип.

ДВ: Владиниот авион во расчекор со технологијата – заложби за купување нов авион доаѓале и од кадри на СДСМ пред седум години!

Додека СДСМ ја обвинува власта за „ пуста желба за поголем и нов авион за луксузирање“, медиумските архиви сведочат дека заложби за купување нов владин авион доаѓале и од кадри на СДСМ пред седум години, во периодот кога оваа партија ја предводеше Владата. Во заложбата „за“ нов авион биле приложени сериозни аргументи, во кои доминираат предупредувања за технолошката застареност на владиниот „лирџет 60“. Како еден од клучните проблеми и тогаш се сметал недостигот на резервни делови за авионот и постојаните поправки со репарирани делови. Ова го објави Македонската редакција на Дојче Веле.

Дваесетгодишник од тетовска Мала Речица под истрага за тероризам – се подготвувал да нападне со огнено оружје како во 2012 во САД, кога биле убиени 26 лица!

Јавен обвинител од ОЈО ГОКК донесе наредба за спроведување на истражна постапка против дваесет годишен жител на Мала Речица за сторено кривично дело Тероризам. Осомничениот на крајот на месец јануари годинава преку социјалната апликација „Discord“ испратил сериозна закана дека е подготвен да изврши напад со огнено оружје – автоматска пушка АК-47 позната како Калашников, притоа појаснувајќи дека истиот е со нарушено психичко здравје. Инспирација за ваков напад, му бил настан од 14.12.2012 година во САД кога Адам Ланца, 20 годишно момче, во училиште во САД со автоматска пушка убило 26 лица од кои 20 деца.

Трагедија во Петровец: градежниот работник Е.А. (23) од Велес вчера почина, откако паднал врз него тежок профил при градба на објект

Несреќата се случила во индустриска зона на подрачјето на општина Петровец, при изведување работни задачи на објект во изградба на фабрика. Според МВР, Е.А. од здобиените повреди починал на самото место.

„Падна“ првата оставка во новата техничка влада на Бугарија – се повлече вицепремиерот Цицелков

Новата техничка влада што вчера стапи на должност, веќе остана без еден вицепремиер – Стоил Цицелков, вицепремиерот за фер избори. Цицелков денеска поднесе оставка по информацијата дека бил уапсен поради возење под дејство и поради користење марихуана. Случајот почна од парламентот вчера, кога пратениците го нападнаа Цицелков со информациите за апсењето и уживањето марихуана.

По бруталното убиство во Челопек Т.Б. (25) лишен од слобода, истрага дали е поврзан и со други убиства во Кумановско!

СВР Куманово поднесе кривична пријава до Основно јавно обвинителство Куманово против Т.Б. (25) од Куманово, поради основано сомнение дека сторил кривично дело убиство. Според пријавата, во периодот од 27 јануари до 12 февруари 2026 година, во селото Челопек, општина Старо Нагоричане, осомничениот со умисла на свиреп и подмолен начин лишил од живот жена родена во 1947 година. Ја искористил околноста што таа живеела сама, била стара и немоќна, па додека спиела во својот дом физички ја нападнал и ѝ нанел повеќе тешки телесни повреди од кои починала.
Сите вести од Македонија

Најнови вести

To top