По итната хоспитализација поради нагло влошената здравствена состојба, потпретседателот на српската влада и министер за внатрешни работи Ивица Дачиќ е приклучен на респиратор и лекарите од Клиничкиот центар во Белград се борат за неговиот живот.
„На респиратор е, има обострано воспаление на белите дробови и ги добива сите потребни лекови. Клучни се наредните 72 часа, во кои лековите треба да дејствуваат, а со механичката вентилација купуваме време за тоа“, изјави Спасое Поповиќ, помошник-директор на Клиниката за пулмологија при КБ.
Претседателот на Србија, Александар Вучиќ, го посети Дачиќ во болницата и изрази увереност дека тој ќе ја добие животната битка.
„Го посетивме потпретседателот на Владата и претседател на СПС сите заедно. Тешка е ситуацијата, но веруваме во лекарите, веруваме во него и се молиме за него“, изјави Вучиќ пред влезот на клиниката.