Генералниот секретар на НАТО, Марк Руте, во своето обраќање пред македонското Собрание се осврна и на изборот на Радмила Шекеринска за негова заменичка, истакнувајќи дека самиот ја донел одлуката да ја назначи на оваа позиција.
Тој изрази благодарност до Шекеринска за „знаењето и искуството што ги носи во НАТО“, кои, како што рече, се од големо значење и за него и за Алијансата при разгледувањето и решавањето на безбедносните предизвици за нашиот регион и пошироко.
„Како што знаете, Радмила беше членка на овој Парламент и служеше во Владата на Северна Македонија. Таа беше одличен избор да му се приклучи на раководниот тим на НАТО. И тоа можам да го кажам со сигурност, бидејќи беше моја одлука да ја назначам. И многу сум горд за тоа“, рече Руте.