Македонија

Двата километри пат кај Блаце завршуваат – никаде (ВИДЕО)

Во понеделникот вечерта, едно возило излетало од автопатот кај Блаце, на делницата од два километри која не води никаде.

2 минути за читање

 

Причина за инцидентот е недостигот на сообраќајна сигнализација која би предупредувала на опасната делница, објави ТВ21

Сè се случува веднаш по поминувањето на граничниот премин. Патот што води кон Скопје се дели на два сегмента, но левата делница всушност нема никаков излез. За ова нема никаква предупредувачка сигнализација – ниту на почетокот, ниту на средината на патот каде има уште едно раздвојување.

Како последица на тоа, возилата влегуваат по овој пат и одат до самиот крај, каде ги чека куп земја и камења. Потоа се принудени да се вратат назад, но некои веќе настрадале – како во синоќешниот случај кога едно возило завршило зад купот земја, паѓајќи надолу.

„Ова е местото каде завршуваат овие два километри. До мене се гледаат делови од возила – скршено ретровизорно стакло, а малку подалеку има и траги од кочење, каде што возилата се обиделе да сопрат, бидејќи тука нема излез и може да се падне во провалија.“, вели репортерката на ТВ21.

По немилиот настан за кој дозна ТВ21, единственото предупредување дека патот нема крај и дека може да се заврши подолу се предметите што граѓаните ги поставиле на патот.

Работите за овој автопат требаше да започнат за време на новогодишните празници, но заменик-министерката за транспорт изјави дека тендерската постапка е завршена и дека се очекува одговор од Европската банка за обнова и развој за дел од кредитот.

Поврзани теми:

пат|2 км. Блаце|опасно|актуелно|возачи

Повеќе на оваа тема:

Најнови вести од: Македонија

Уставниот суд ги отфрли иницијативите, со кои се оспоруваше уставноста на „Безбедниот град“

Уставниот суд ги отфрли иницијативите да се оспори системот „Безбеден град“, односно дел од одредбите на Законот за прекршоци. Иницијативи со кои се бараше да се оспори „Безбеден град“ поднесоа двата дела на Алијансата за Албанците, предводени од Зијадин Села и од Арбен Таравари, како и студентот Или Пачуку, поради неупотребата на албанскиот јазик во пораките за прекршоци. Забелешката е и за, како што се тврдеше, „спроведувањето на системот само во Скопје, Тетово и во Куманово“, потоа и за обврската за поседување мобилен телефон и интернет-адреса заради доставување на пораките, но и за наводна „селективна примена на Законот и за дискриминација на Албанците“. Со иницијативите се бараше Уставниот суд да ги поништи „спорните“ одредби.

Мицкоски: Зголемен е бројот на странските инвеститори, што се задоволни од бизнис климата во државата и кои се подготвени да ја зголемат својата инвестиција

„За нас странските инвеститори се исклучително важни исто како и домашните инвеститори, бидејќи економијата е една од главните приоритети на функционирањето на оваа Влада, како и сѐ друго, што е составен дел во таа борба за колку е можно подобра економија.“ – истакна премиерот Христијан Мицкоски по работната средба со Советот на странски инвеститори.

Samsung Galaxy S26 Серијата и Galaxy Buds4 Серијата сега достапни ширум светот

Galaxy S26 серијата бележи двоцифрен раст во нарачки, додека Galaxy S26 Ultra е избор на 70% од потрошувачите, заедно со Galaxy Buds4 серијата со неверојатен звук.
Во Европа, уредот Galaxy S26 Ultra бележи 20% раст на нарачките на годишно ниво

Министерство за финансии: „Стоп“ за измамите на финансиските друштва за кредити со „нула камата“!

Министерството за финансии на Република Македонија во реализиран надѕор врз работењето на финансиските друштва  констатира одредени измамнички трговски практики, кои се однесуваат, меѓу другото,  на рекламирањето на финансиските услуги и други дејстваа од финансиските друштва, спротивно на Законот за заштита на потрошувачите. „При надзорот констатирани се рекламирања со 0% камата, иако во договорот за кредит биле предвидени други дополнителни трошоци!“ – соопшти ова министерство денес.
Сите вести од Македонија

Најнови вести

To top