Во Македонија, проблем при е-шопинг имале 29,41% од купувачите, покажува истражувањето на Евростат од 2025 година за користење на информатичко-комуникациски технологии. Во Европа, пак , повеќе од една третина или 35,4% од онлајн купувачите во ЕУ пријавиле проблеми при купување преку веб-страница или апликација.
Меѓу земјите на ЕУ, најголем процент на клиенти кои наишле на проблеми е забележан во Малта (64,0%), Холандија (57,9%) и Луксембург (51,4%). Спротивно на тоа, најниски проценти се пријавен во Португалија (4,5%), Грција (10,6%) и Летонија (13,3%).
Бавната испорака е најчестиот проблем на е-куоувачите. На побавна испорака од очекуваното, се пожалиле една петина од анкетираните (19,9%).
Вториот најчест проблем е тоа што веб-страницата од која купувале била тешка за користење или работела незадоволително (11,5%), а трет била испораката на неточни или оштетени стоки или услуги (10,4%).