Можноста за укинување на ветото при прием на нови членки во Европската унија, а во контекст на Македонија, била една од темите на разговор на средбата меѓу бугарската претседателка Илијана Јотова и тамошните европратеници.
„Во разговорот се дискутираше за обидите на Северна Македонија да ги замени елементите во усвоената преговарачка рамка што се спротивни на европскиот консензус од 2022 година. Исто така, се дискутираше за опасноста од промена на методот на гласање при прием на нова земја во Европската Унија со квалификувано, а не со апсолутно мнозинство“, се вели во соопштението на прес-службата на Јотова.
Повод за состанокот беше подготовката и претстојното гласање во Европскиот парламент во јуни за годишниот извештај за напредокот на Македонија на патот кон ЕУ.
„Учесниците на состанокот беа категорични дека Бугарија, со самодоверба на полноправна членка на Европската Унија, мора да ја брани својата цврста позиција и да инсистира на имплементација од страна на Скопје на францускиот предлог од 2022 година, кој стана и паневропска позиција за пристапување на Република Северна Македонија во ЕУ. За да започнат преговорите, Република Северна Македонија мора да ги исполни своите обврски со вклучување на Бугарите во својот Устав. Бугарија и Северна Македонија немаат билатерален проблем, нашиот западен сосед мора да ги исполни европските критериуми за членство, од кои главен е заштитата на човековите права“, се додава во соопштението.
Што знае Софија што не знае Скопје, или Македонија само се прави дека не знае?
Тргна ли германскиот булдожер или зошто Јотова свика панична средба за Македонија