Службеници на Министерството за внатрешни работи лишија од слобода по едно лице во Струга и во гостиварско за поседување марихуана откриена при претрес.
Вчера во 17:40 часот на улица „Нико Нестор“ во Струга е притворен Е.И. (31) од Штип, со привремен престој во Струга, поради тоа што кај него е пронајдена и одземена марихуана. Подоцна, со судска наредба, извршен е претрес и во просториите каде што престојува, при што, исто така, е пронајдена и одземена марихуана.
Полициски службеници од ОВР Гостивар, пак, вчера го лишија од слобода Ј.А. (28) од гостиварското село Сенокос. При претрес во неговиот дом и во помошните простории, извршен со судска наредба, полициските службеници пронашле и одзеле марихуана.
По целосно документирање на случаите, против двајцата ќе биде поднесена соодветна пријава, соопштија од МВР.