Видео што брзо се шири на социјалните мрежи покажува возач на електричен тротинет како се движи со значителна брзина по средната лента на булеварот Партизански Одреди во главниот град. Сцената предизвика лавина реакции меѓу граѓаните, кои ја оценуваат постапката како крајно неодговорна и потенцијално опасна по живот.
На снимката се гледа како тротинетот, кој обично е наменет за пешачки патеки или посебни ленти, се движи во текот на сообраќајот на една од најпрометните скопски сообраќајници. Возачот ја користи средната лента наместо да се придржува до дозволените места за такви возила, со што директно ги загрозува и себе си и другите учесници во сообраќајот.
Во последниве години, со зголемувањето на електричните тротинети во урбаните средини, се зголемува и бројот на сообраќајни прекршоци и инциденти. Експертите за безбедност на патот потсетуваат дека тротинетите не се наменети за движење по коловозните ленти предвидени за автомобили, туку за посебни патеки или тротоари, каде што брзината е ограничена.
Во моментов, во Македонија сè уште недостасува цврста регулатива за користење на електрични тротинети, што доведува до вакви хаотични ситуации. Полицијата ретко интервенира во вакви случаи, а граѓаните се прашуваат зошто се дозволува толкува слобода на патот, додека другите прекршоци се казнуваат построго.
Со тротинет по средна лента на Партизанска 🤯🤬 pic.twitter.com/Cu4bkSuOaC
— Библиотекарот (@Bibliotekarot) April 25, 2026