Веќе не е само шпекулација, дека вицепремиерот за политики за добро владеење и транспарентност, Арбен Фетаи, веќе мне е дел од Владата откако веќе подолго време симаше информации дека тој не оди на работа.
Дека не е на работно место, туку дека е и надвор од земјата, потврди тој со бјава на фотографија на социјалните мрежи постирана од Тајланд.
Претходно, неговото отсуство беше јавно потврдено и од министерот за здравство Азир Алиу, кој посочи дека Фетаи не доаѓа на работа.
Во изминатиот период, Фетаи не се појавуваше во јавноста, ниту одговара на новинарски прашања за причините за неговото отсуство. И покрај тоа, тој сè уште официјално ја извршува функцијата, без да биде разрешен.
Фотографијата од Тајланд дополнително ги отвори прашањата за неговиот статус, одговорноста кон функцијата и односот кон јавноста, особено во контекст на позицијата што подразбира транспарентност и добро владеење.
Премиерот Христијан Мицкоски неделава во гостување на ТВ Сител соопшти дека Арбен Фетаи повеќе нема да биде министер за добро владеење во идниот состав на владата.
Прењмиерот рече дека разговарал лично со Фетаи кој му пренел дека „во иднина не се гледа повеќе во Владата“.