Македонија

Мицкоски: Еден министер сигурно нема да биде дел од Владата

Министерот за добро владеење Арбен Фетаи лично му пренел на премиерот дека во иднина не се гледа повеќе во Владата

facebook.com/VladaMK

Претседателот на Владата во синоќешното гостување на ТВ Сител соопшти дека Арбен Фетаи повеќе нема да биде министер за добро владеење во идниот состав на владата.

„Разговаравме јас и Фетаи лично. И тој лично ми пренесе дека во иднина не се гледа повеќе во Владата која што јас ја предводам. Тоа беше пред неколку недели. Тој рече дека ќе се врати во Брисел, имајќи го предвид неговото образование, искуство во рамките на институциите во Брисел.

Мицкоски рече дека смета дека тоа би била добра можност тој да биде некаков специјален пратеник во рамките на Европскиот парламент, на бриселската администрација.

Во врска со реконструкцијата на Владата, премиерот Мицкоски рече дека сè уште е фокусиран на внатрешното организирање на ВМРО-ДПМНЕ, а промените во Владата би се случиле во втората половина на мај или почетокот на јуни. Најави можна промена на ресори и одредени имиња во идниот владин состав.

„ Јас ги анализирам состојбите, но сега сум фокусиран на она што се вика внатрешно организирање во самата ВМРО-ДПМНЕ. Она што го најавив на конгресот дека во текот на месец април, најдоцна во првата половина на мај мојата цел е да ја заокружам структурата во рамките на ВМРО-ДПМНЕ. И од, да речеме, втората половина на мај или јуни заедно со коалициските партнери да направиме поместување, доколку видиме дека тоа е потребно, одредени ресори, одредени имиња да ги промениме, да ги ротираме. Тоа би требало да биде еден поголем холистички пристап. Но, во овој момент на таа тема само анализирам, не би можел да кажам дека имам каков било заклучок, но дека ќе има промени, тоа е факт, ќе има промени“, рече Мицкоски.

Најнови вести од: Македонија

(Видео): Вози како да е нормално во спротивна насока среде Партизанска – автомобилот и покрај се продолжува да вози

На видеото се гледа како возачот ја намалува брзината додека се разминува со два автомобили, а потоа повторно забрзува. Се очекува МВР да соопшти дали прекршокот е регистриран преку „Безбеден град“.

Од пад од 5% до раст од 5,2% – СДСМ да ги погледне статистичките податоци за платите, велат од ВМРО-ДПМНЕ

ВМРО-ДПМНЕ се повика на податоците на ДЗС според кои просечната нето-плата во септември изнесувала 49.141 денар, со номинален годишен раст од 8,1 отсто и реален раст од 5,2 отсто. Во септември 2022 година реалната нето-плата бележела пад од пет проценти.

To top