Според индексот на слободата на медиумите за 2026 година на „Репортери без граници“, Македонија е на 45. место во конкуренција на 180 земји во светот.
„Иако новинарите не работат во непријателско опкружување, широко раширените дезинформации и недостигот од професионализам придонесуваат за опаѓање на довербата на општеството во медиумите, што ги изложува независните медиуми на закани и напади“, се наведува во образложението, коешто е исто како и минатата година.
„Пласманот“ е три места подолу од минатата година и ја сместува државава во групата земји во кои ситуацијата е оценета како „проблематична“, какви што се сите во опкружувањето, освен Словенија (36. место) и Црна Гора (41.).
Зад Македонија по слободата на медиумите од регионот се Хрватска (53.), Бугарија (71.), Албанија (83.), Грција (86.), како и Босна и Херцеговина (90.) и Србија (104.), во кои состојбата се оценува како „тешка“.
Пад од седум позиции забележаа САД, кои годинава фигурираат на 64. место на оваа листа.
Норвешка е прва, пред Холандија, Естонија, Данска, Шведска, Финска, Ирска, Швајцарија, Луксембург, Португалија итн., а на дното е Еритреја.