Македонија

Ексклузивно: Американската православна црква ќе ја признае Македонската православна црква – Охридска архиепископија

Признавањето ќе се случи на сослужение меѓу двајцата поглавари, кое ќе се одржи во катедралата Свети Никола на Митрополитот Тихон во Вашингтон

2 минути за читање

Во ексклузивната информација од САД се вели дека Американската православна црква ќе ја признае Македонската православна црква – Охридска архиепископија под нејзиното уставно име без никакви задршки или услови.

 

Одлуката била донесена на посебна седница на 21 мај 2025 година, кога Светиот синод на Православната црква во Америка одлучил, со непосредна одлука, да ја признае каноничноста на Македонската православна црква – Охридска архиепископија, дознава expres.mk.

 

Со одлуката се потврдува целосната заедница на американската црква со архиереите, свештенството и верниците на МПЦ-ОА.

 

Оваа вест до православната екумена ја пренесол Неговото Блаженство Митрополитот Тихон во неговиот извештај од 15 јули 2025 година.

 

Извештајот е поднесен пред 21-от Сеамерикански совет на Американската православна црква кој се состанува оваа недела во Феникс, Аризона.

 

Одлуката на АПЦ доаѓа на барање на Неговата Светост Патријархот Српски Порфириј, кој, во официјална кореспонденција со Неговото Блаженство Тихон, побарал Православната црква во Америка, во согласност со Томосот доделен од Српската православна црква, да ја признае автокефалноста на Македонската православна црква – Охридска архиепископија.

 

Според информациите од САД во моментов кабинетите на Митрополитот Тихон и Неговото Блаженство, Архиепископот охридски и Македонски Стефан,  планираат сослужение меѓу двајцата поглавари, кое ќе се одржи во катедралата Свети Никола на Митрополитот Тихон во Вашингтон.

 

Ова сослужение, како што Митрополитот Тихон го информирал Сеамериканскиот совет, ќе биде крунисано со формално признавање на автокефалноста на Македонската православна црква, која го зазема своето место покрај Православната црква во Америка како целосно автокефална помесна православна црква.

Поврзани теми:

топ|МПЦ-ОА|признавање|Томос|СПЦ|Американска православна црква

Повеќе на оваа тема:

Најнови вести од: Македонија

Тошковски: Има хибриден напад кон државата, но и премногу случајности околу пожарите, а клопчето почна да се одмотува!

Запрашан дали дали мотивот за овие хибридни напади преку пожари е и да се урне оваа Влада на Република Македонија, министерот за внатрешни работи Панче Тошковски кратко одговори: Има и такви индиции. Клопчето почна да се одмотува! Поголема група од повеќе од 20 лица се вмешани на ваков, или на таков начин, во сите овие процеси.“

Мицкоски го посети Центарот Лидл Македонија во Куманово – вложување од 115 милиони евра со 230 работни места, кој ќе се изгради во 2026

„Овој логистички центар подразбира свежи производи за македонските потрошувачи во секоја продавница, секој ден. Ова е можност и за македонските производители да ги намалат трошоците, односно да ги складираат своите производи овде како централна локација.“ – изјави Милена Драгијска, извршната претставничка на Лидл.

Опозицијата шири лаги за пожарите мислејќи дека ќе освои политички поени, вели премиерот

Опозицијата го прави ова затоа што мисли дека на овој начин, со таа стратегија, ќе добие политички поени и ќе добие поддршка од граѓаните. Дури и ако сè што коментираат е вистина, а ништо не е вистина, тогаш се поставува прашањето што прават за да помогнат во процесот, рече Мицкоски.

Македонската метропола како голема депонија – Скопје се „дави“ во ѓубре, граѓаните бесни

Вработените во повеќе јавни комунални и водоснабдителни претпријатија се соочуваат со ниски плати и нивна нередовна исплата, неисплаќање на регрес за годишен одмор, немањето на работна и заштитна опрема, истакна претседателот на СУТКОЗ Стојанче Кашиковски.

Предизборна провокација на Дехари кон Македонците: Нека се вее албанското знаме над Кичево, да се обединат и да се мобилизираат Албанците!

Дали се уште постојниот градоначалник на Кичево и кандидат на ДУИ за четврти таков мандат Фатмир Дехари смета дека овој град и општина се некаква „етничка сопственост“ на Албанците и на неговата партија? Бидејќи, организацискиот секретар на ДУИ и поранешен вицепремиер Артан Груби, сега веќе бегалец од правдата, на предизборен митинг на ДУИ во Кичево спроти локалните избори во 2021 година ќе каже: „Кичево е воен плен од 2001 година и Македонец не смее да биде градоначалник на Кичево!“
Сите вести од Македонија

Најнови вести

To top