Македонија

На 9-ти мај Вреди ќе ги помати сметките на ДУИ

Деветти мај се приближува и со него доаѓа силна, голема ВРЕДИ, распространета од Липково до Струга, велат од партијата истакнувајќи дека 5 партии стануваат една и тоа им ги расипува сметките на сите што живееле со надеж дека ВРЕДИ нема да се обедини

2 минути за читање

ВЛЕН ЕДНО. ВЛЕН доаѓа!, велат од коалицијата ВРЕДИ најавувајќи го конгресот на 9 мај на кој коалцијата официјално ќе стане партија.

„Иднината им припаѓа на оние што знаат да се обединат околу заедничките вредности. Тоа го докажува ВРЕДИ. На 9 мај, на Денот на Европа, ВРЕДИ го одржува Конгресот на обединувањето како зрел политички процес и од него ќе излезе како единствена сила, со едно име, насока и мисија.

Пет политички субјекти стануваат едно тело, сила која во својата суштина ги има владеењето на правото, нулта толеранција кон корупцијата, независно судство, европскиот пат, партнерството со НАТО и заштитата на семејството, традицијата, културата и идентитетот“, велат од ВРЕДИ.

Али Ахмети го „прослави“ 2 мај, „Денот на прогласувањето на Карадак како зона ослободена од УЧК во 2001“ и порача: Тоа е и натаму „симбол на отпор“!

На Конгресот на обединувањето, 850 делегати ќе ја запечатат оваа насока.

„Од соработка кон обединување, од координација кон заедничка сила, од ветување пред Албанците до политичка реалност.

Оние што се навикнати да опстојуваат од поделби, денес не се мирни. Пет партии стануваат една и тоа им ги расипува сметките на сите што живееле со надеж дека ВРЕДИ нема да се обедини. Еве дојде денот кога обединувањето станува факт, а манипулацијата невозможна. Деветти мај се приближува и со него доаѓа силна, голема ВРЕДИ, распространета од Липково до Струга“, велат од партијата.

Поврзани теми:

топ|ВРЕДИ|партија|Коалиција|обединување

Повеќе на оваа тема:

Најнови вести од: Македонија

Бугарски националисти поставија во Баница спомен-плоча на идеологот на македонската револуција Гоце Делчев со ознака „Бугарски револуционер“!

Бугарски активисти и националисти деновиве поставиле спомен-плоча посветена на македонскиот револуционер Гоце Делчев во селото Баница, денешно Кариес, во близина на Сер, Грција, а на обележјето го претставиле како „бугарски револуционер“. Грчките власти не биле известени, ниту дале дозвола за поставување на спомен-плочата. Бугарските медиуми пишуваат дека поради тоа има реакции во Грција.

Генијалниот 11-годишник Македон Димитровски, еден од најперспективните млади таленти од регионот, се вброи меѓу најпаметните деца во светот

Македон Димитровски (11) од Македонија постигна исклучителен резултат на американскиот SAT тест – 1440 поени, при што 740 поени освоил по математика и 700 поени по англиски јазик. Станува збор за тест кој е стандардна приемна проверка за запишување на универзитети во САД и се користи за оценување на академската подготвеност на средношколци. Според објавата на неговото семејство, овој резултат го става меѓу највисоко рангираните ученици на негова возраст на глобално ниво, со остварувања, кои вообичаено го постигнуваат кандидати на 17–18 години.

„Зборникот на Миладиновци“ – „евангелие“ на македонизмот и јазичен чувар на идентитетот на македонскиот народ веќе 165 години

Еден од најзначајните чувари и своевидни пишани споменици на македонскиот национален, јазичен и културен е делото „Зборник на браќата Миладиновци“, кое е објавено на денешен ден, на 24 јуни 1861 година. Тој ден првите примероци од зборникот ја напуштиле печатницата на во Загреб и им биле испорачани на претплатниците. Во овој Зборник на 538 страници на голем формат се објавени вкупно 660 песни, од кои 584 македонски и 76 бугарски. Покрај 584-те македонски песник, зборникот има и 14 детски игри, неколку народни обичаи од разни места во Македонија, 8 верувања, 16 преданија, извесен број лични имиња, 50 пословици и 104 гатанки. Македонските песни се поделени во групи: самовилски, други стари, црковни, јуначки, жаловни, смешни, љубовни, свадбени, лазарски, жетварски, песни за Водици, за Ѓурѓовден… Сите тие песни потекнуваат од разни краишта на Македонија (Струга, Охрид, Битола, Прилеп, Велес, Дебар, Кукуш, Костур и др.). Овој монументален зборник со своето богатство од песни и традиции е еден од основните и најважни темели на македонското народно творештво. Тој претставува капитално и епохално дело за македонскиот народ. М. Цепенков го чувал дома и го нарекувал „второ вангелие“. Кажано со речникот на Цепенков, „Зборникот на Миладиновци“ е и своевидно „евангелие на македонизмот и на македонскиот идентитет! Оттука и браќата Миладиновци се дел од основните столбови, врз кои се потпираат културното наследство и македонскиот јазик.

Муцунски: Бугарија со дипломатска нота за семејството на Мицкоски – неприфатлив преседан

Министерот за надворешни работи и надворешна трговија, Тимчо Муцунски, изрази сериозна загриженост поради објавувањето на дипломатска нота од Бугарија за престојот на сопругата и малолетниот син на премиерот Христијан Мицкоски во Пампорово.
Сите вести од Македонија

Најнови вести

To top