Лидерот на ДУИ Али Ахмети вчера го „прослави“ 2 мај „Денот на прогласувањето на Карадак како ослободена територија“ од страна на УЧК во 2001 година“, означувајќи го овој датум како „важен момент во новата историја“. „Во Слупчане е напишана една од најзначајните страници, а прогласувањето на Карадак како слободна зона е доказ за решителност за слобода, достоинство и еднаквост. Карадак и неговите жители остануваат симбол на отпор и единство за поправична иднина.“ – рече Ахмети. Со оваа своја порака тој отвори дилема: каков „симбол на отпор“, но и кон кого, продолжува да биде и денес ова „прогласување територија ослободена од борците на УЧК во мај 2001“?! Претседателот на ДУИ Ахмети „прославува“ и денес „25 години од прогласувањето слободна зона“ инаку на територијата на унитарната држава Македонија!
Во својата порака Ахмети, исто така, „со почит им се поклони на мачениците и борците на УЧК“, нагласувајќи дека „нивната жртва ги постави темелите на мирот и правата што ги уживаат Албанците денес“.
„Нивната посветеност останува водилка за нашиот пат напред. Вечна слава на оние што паднаа за слобода!“ – посочува првиот „интегративец“.
Карадак, планински регион во Кумановско, кој ги опфаќа и Слупчане и Липково, во 2001 година беше симболичен термин за „ослободена“ територија од ОНА/УЧК.
