Бразилскиот претседател Луиз Инасио Лула да Силва изјави вчера дека неговиот американски колега Доналд Трамп не е избран за „цар на светот“, туку за претседател на Соединетите Американски Држави.
Во интервју за Кристијан Аманпур од Си-Ен-Ен, Лула го критикуваше Трамп за воведување царина од 50 проценти врз Бразил поради неговото гонење на поранешниот претседател Жаир Болсонаро за наводен заговор за државен удар.
„Судството во Бразил е независно. Претседателот на републиката нема никакво влијание“, објасни Лула, додавајќи дека Болсонаро „не е лично суден туку дека е суден за дејствија во кои „се обидел да организира државен удар“.
Бразилскиот претседател, исто така, истакна дека прво мислел дека објавите на Трамп за царините и „ловот на вештерки“ против Болсонаро се „лажни вести“, додавајќи дека веста е „многу непријатна“.
Тој нагласи дека Бразил „нема да прифати ништо што му е наметнато“ и ќе бара преговори.