Македонија

ТВ А2: Албанскиот амбасадор предвреме си оди од Скопје по поплаките од власта

Албанската телевизија тврди дека ВРЕДИ и ВМРО-ДПМНЕ биле незадоволни од изјавите на дипломатот за македонската политика

Незадоволството и поплаките од ВРЕДИ и од ВМРО-ДПМНЕ му го кратат мандатот на амбасадорот на Албанија во Скопје, Денион Мејдани, тврди албанската телевизија А2.

„Денион Мејдани повеќе нема да биде амбасадор на Албанија во Република Северна Македонија. Извори од Скопје и од Министерството за надворешни работи информираат за А2 Си-Ен-Ен дека Мејдани предвреме ќе ја заврши својата функција во Скопје. Неофицијално, се вели дека причините за потегот се поплаките и незадоволството на коалицијата ВЛЕН и ВМРО од албанскиот дипломат за неговите ставови во дебатите и дискусиите што ја вклучија и македонската политика и кои се поврзани со незадоволството на Албанците за различни прашања, од кои последното е за албанскиот јазик“, објави А2.

Мејдани може да биде назначен за амбасадор во Косово, но тоа сè уште не е официјално потврдено, додава телевизијата од Тирана, ексклузивен партнер на Си-Ен-Ен за Албанија и за Косово, во написот на својата вебстраница насловен „Тој застана на страната на албанските студенти: Ферит Хоџа (министер за надворешни работи на Албанија – н.з.) се подготвува да го отстрани Мејдани од амбасадорската функција“.

Најнови вести од: Македонија

(Видео): Вози како да е нормално во спротивна насока среде Партизанска – автомобилот и покрај се продолжува да вози

На видеото се гледа како возачот ја намалува брзината додека се разминува со два автомобили, а потоа повторно забрзува. Се очекува МВР да соопшти дали прекршокот е регистриран преку „Безбеден град“.

Од пад од 5% до раст од 5,2% – СДСМ да ги погледне статистичките податоци за платите, велат од ВМРО-ДПМНЕ

ВМРО-ДПМНЕ се повика на податоците на ДЗС според кои просечната нето-плата во септември изнесувала 49.141 денар, со номинален годишен раст од 8,1 отсто и реален раст од 5,2 отсто. Во септември 2022 година реалната нето-плата бележела пад од пет проценти.

To top