Свет

Упад во домот на полскиот претседател Навроцки по лажна дојава за пожар

Полскиот претседател Карол Навроцки повторно е мета на лажна дојава.

Полскиот претседател Карол Навроцки повторно е мета на лажна дојава. Неизвестен сторител пријавил пожар во неговата семејна куќа во Гдањск, поради што пожарникарите насилно ја пробиле вратата и влегле во станот, иако сопствениците биле отсутни.

Портпаролот на претседателот, Рафал Лешкјевич, ја објави информацијата на социјалната мрежа „X“, истакнувајќи дека станува збор за уште една лажна пријава на бројот за итни случаи 112.

„Додека станарите беа отсутни, службите ја пробија вратата и влегоа во станот“, напиша Лешкјевич.

Тој посочи дека службите за итни случаи веќе неколку дена се парализирани од низа лажни пријави поднесени во име на новинари и јавни личности поврзани со полската десница. Според него, ова претставува сериозна закана која може да погоди секого.

Туск: Ќе ги уапсиме саботерите

Премиерот Доналд Туск реагираше остро на инцидентот. Тој потврди дека е во постојан контакт со министрите и безбедносните служби и дека му ја изразил солидарноста на претседателот Навроцки.

„Уште една телефонска провокација, овојпат за пожар во семејниот стан на претседателот Навроцки во Гдањск. Акциите на провокаторите се насочени против државната безбедност, против сите нас. Ќе ги искористиме сите расположливи методи за да ги идентификуваме и да ги уапсиме саботерите, без оглед на тоа од каде доаѓаат или кој стои зад нив“, порача Туск.

Тој најави дека утре ќе свика седница на Владата посветена на овој случај.

Најнови вести од: Свет

Речиси половина од Германците се за укинување на помошта за Украина

Дури 49 отсто, сакаат да се намали или целосно да се укине помошта за Украина, покажуваат резултатите од анкетата што денеска ги објави агенцијата за истражување на јавното мислење „Југов“, спроведена за германскиот неделник „Велт ам Зонтаг“

Трамп објави кои му се пријатели!

Истовремено објави две фотографии — на едната се прикажани Јосиф Сталин, Френклин Делано Рузвелт и Винстон Черчил како седат на веранда, а на другата се Путин, Си и Трамп како позираат стоејќи — и пропратен со натписот: „Големите сили — 1945, 2026“

Aмериканските технолошки акции потонаа – најлоша недела од кризата со Kовид-19

Инвеститорите повеќе не предвидуваат целосно зголемување од четвртина поен на состанокот на Федералните резерви во декември, неколку дена откако гувернерот Кристофер Волер шпекулираше дека централната банка би можела да испорача џамбо зголемување од 0,5 процентни поени.

Најнови вести

To top