Бизнис

Невработеноста во Македонија падна на историски најниски 11,3 отсто

Бројот на невработени првпат се спушти на околу 90.500 откога се мерат споредливите статистички податоци од 1993 година наваму

2 минути за читање

Во првите три месеци од годинава стапката на невработеност во Македонија достигна 11,3 проценти, што е историски најниско ниво откако се мерат споредливите статистички податоци во земјата од 1993 година наваму, посебно во однос на неславниот рекорд од 38,8 отсто во 1996 година.

Бројот на невработени лица во првото тримесечје од 2026 година е намален за 1 отсто во споредба со четвртото тримесечје од 2025 година, а за 2,3 отсто е намален во споредба со истото тримесечје од минатата година, соопшти Државниот завод за статистика.

Со најновиот пад, бројот на невработени лица за првпат се спушти на 90.499 лица, а вкупниот број на вработени е 707.385.

Од вкупниот број на невработени лица, 62,4 проценти се мажи, а 37,6 отсто жени. Бројот на вработени лица бележи намалување од 0,3 отсто. Од вкупниот број вработени, 57,9 отсто се мажи, а 42,1 отсто се жени.

Учеството на неформалната вработеност во првото тримесечје од 2026 година се зголемува. Неформално вработени лица се 94.197, што е за 4,3 проценти повеќе од претходното тримесечје. Најголем број неформално вработени лица, 43,6 отсто, има во секторот Земјоделство, шумарство и рибарство и 17,5 отсто во секторот Градежништво.

 

Поврзани теми:

актуелно|Македонија|ДЗС|невработеност

Повеќе на оваа тема:

Најнови вести од: Бизнис

Каматите мируваат, новите кредити поскапи – монетарно движење во април

Просечната каматна стапка на вкупните депозити на годишна основа бележи намалување од 0,04 п.п., при што во април таа изнесува 2,16%, наведува Народна банка. Просечната каматна стапка на вкупните кредити, во април 2026 година, изнесува 4,70% и е непроменета во однос на претходниот месец, додека на годишна основа оствари пад од 0,41 п.п. Просечната каматна стапка на вкупните депозити бележи месечно и годишно намалување од 0,02 п.п. и 0,04 п.п., соодветно и изнесува 2,16%.

Ристески на средба со винариите: Упатен повик за аплицирање на достапната институционална поддршка

Владата и Министерството за економија и труд се партнери на домашните винопроизводители, само преку заеднички дијалог и соработка можеме да креираме квалитетни политики кои ќе овозможат долгорочен развој на македонската винска индустрија и лозарство.

Истекува рокот за потврда на годишните даночни пријави за остварен приход за 2025

Управата за јавни приходи апелира до даночните обврзници, пред истекот на рокот, да ги проверат своите годишни даночни пријави и, доколку податоците се точни, истите да ги потврдат, а доколку не се согласуваат со изнесените податоци, да ги коригираат. Даночните обврзници кои имаат потреба од дополнителни информации можат да се обратат на електронската адреса info@ujp.gov.mk или на телефонските броеви 02/3253-200 и 0800 33 000 (само од фиксни оператори).

(Фото): Азески им врачи награди на Пленковиќ и на Мицкоски за придонес во регионалната бизнис интеграција

Претседателот на Стопанската комора, Бранко Азески, им врачи награди на хрватскиот премиер Андреј Пленковиќ и на македонскиот премиер Христијан Мицкоски за придонес во регионалната бизнис интеграција, во рамки на посетата на хрватската делегација во Македонија.

Грција и Бугарија забрзано ја развиваат рударската индустрија, Македонија тапка в место

Можностите што ги носи рударската индустрија во Македонија се пропуштаат и проектот во Иловица не стартува иако станува збор за почетна инвестиција од 340 милиони евра, што доведува до зголемување на БДП за 3% на годишно ниво и е со просечна вредност на извоз од околу 180 милиони евра на годишно ниво.
Сите вести од Бизнис

Најнови вести

To top