Хроника

34-годишен Скопјанец приведен по закани кон сопругата и нејзиното семејство

Од МВР информираат дека се преземаат дополнителни мерки за целосно расчистување на настанот.

Полициски службеници од СВР Скопје вчера го лишиле од слобода 34-годишен маж од Скопје, по пријава дека упатувал закани кон својата сопруга и нејзиното семејство.

Како што соопшти Министерството за внатрешни работи, инцидентот бил пријавен на 1 јуни во 14:40 часот на подрачјето на Бит Пазар. Според пријавата, И.С. (34) се заканувал на својата 33-годишна сопруга и на членовите на нејзиното семејство.

Осомничениот бил приведен и задржан во полициска станица. По целосно документирање на случајот, против него ќе биде поднесена соодветна кривична пријава.

Од МВР информираат дека се преземаат дополнителни мерки за целосно расчистување на настанот.

Најнови вести од: Хроника

Пиштол и седум куршуми откриени кај совозач во службено возило на ЈП „Комунална хигиена“ – Скопје

Пиштол со седум куршуми бил пронајден кај совозач во службено возило на ЈП „Комунална хигиена“ – Скопје, при полициска контрола на булеварот „Гоце Делчев“. Едно лице е лишено од слобода, а за случајот е известен јавен обвинител, велат од Министерството за внатрешни работи, објави „Скопје 1.мк“

To top