Македонија

Ќе се градат автопатите Скопје-Блаце и Кичево-Букојчани, а Кичево-Охрид конечно пред целосно завршување

Истовремена изградба на шест автопатски делници во државата во текот на втората половина од годината – најавува Владата. Кон крајот на овој месец или во почетокот на следниот се очекува да почнат работи на терен за вториот дел од автопатот Скопје – Блаце, а во септември или октомври и градежните работи за автопатот Кичево – Букојчани. На терен се заокружуваат работите за целосно ставање во функција на автопатот Кичево – Охрид, а се работи и на делниците Тетово – Гостивар, Гостивар – Букојчани и Прилеп – Битола од проектот со „Бехтел и Енка“.

2 минути за читање

Македонија забрзано се гради. Според најавите, во втората половина од годината ќе се работи на вкупно шест автопатски решенија низ државата, со што се очекува дополнително забрзување на инфраструктурниот развој и подобрување на патната поврзаност. Делницата од Извор до Врбјани на автопатот Кичево-Охрид се очекува да е пуштена во сообраќај на Денот на независноста – 8 Септември, рече премиерот Христијан Мицкоски на брифинг со новинарите.

Според владините проекции, целиот автопат Кичево-Охрид треба да е ставен во употреба во првиот квартал од 2027 година. За довршување на проектот се обезбедени 175 милиони евра преку заем од домашни банки. Премиерот рече дека финансиската конструкција е целосно затворена, што овозможува непречено продолжување на градежните работи на терен. Премиерот најави дека паралелно ќе се реализираат активности и на автопатот Скопје-Блаце, како и на делниците од Коридорот 8.

Премиерот даде и нова можност за историските Чебрен и Галиште. Рече дека големи се можностите Македонија да ја гради самостојно, без странски инвеститор хидроцентралата Чебрен. Според него, се работи на физибилити студија за еден од најважните стратешки објекти од областа на енергетиката за државава.

По неуспешните 14 тендери во изминатите 33-34 години, хидроелектраната која што на Македонија треба да ѝ обезбеди базна енергија и која што е од исклучителна важност за стабилноста на електронергетскиот систем во земјава. Проценката е дека инвестицијата ќе чини околку 1,5 милијарди евра.

Во однос на ивестициите, има најави за германски и американски компании кои што купиле парцели во индустриските зони и прват регрутација на кадри. До крај на неделата Мицкоски оди во Истамбул, да преговара за нова компанија за гасни когенеративни централи.

Според владините проценки, најголемиот дел од инфраструктурните активности треба да бидат завршени до крајот на 2029 година, додека евентуалните преостанати работи би се реализирале во текот на 2030 година.

За делницата Требениште – Ќафасан, која засега е единствената од пакетот на „Бехтел и Енка“ што сè уште не е започната, повеќе детали се очекуваат кон крајот на месецот, по посетата на претставници на УНЕСКО.

Поврзани теми:

инфраструктура|избор|Македонија|влада|Мицкоски|автопати|Бехтел и Енка|Кичево-Букојчани|Кичево Охрид

Повеќе на оваа тема:

Најнови вести од: Македонија

М-НАВ: Апелација ја потврди пресудата со која се забранува најавениот штрајк на ССКЛ

Апелацискиот суд Скопје ја одби жалбата на Струковиот синдикат на контролори на летање (ССКЛ) и ја потврди првостепената одлука со која се забранува организирањето на најавениот штрајк за октомври 2025 година. Веста денеска ја соопшти адвокатот Горан Николоски, правен застапник на Македонска навигација. Со оваа одлука, решението на Основниот граѓански суд Скопје стана правосилно, со што се оневозможува реализацијата на штрајкот кој предвидуваше ограничување на летовите и делумно затворање на македонскиот воздушен простор.

Владата на Македонија најавува шест автопати во исто време: ќе се градат Скопје – Блаце и Кичево – Букојчани, Кичево-Охрид конечно пред целосно завршување!

Во втората половина од годинава во Република Македонија истовремено ќе се градат шест автопатски делници, најави Владата. Според плановите, кон крајот на овој месец или на почетокот на следниот ќе започнат градежните активности на втората делница од автопатот Скопје – Блаце, додека во септември или октомври се очекува старт и на изградбата на автопатот Кичево – Букојчани.

Ексградоначалникот на Карпош Стевчо Јакимовски оди една година во затвор, поради кривичното дело „бесправна градба“

Предметот е кај судија за извршување казни, откако Апелацискиот суд ја потврди првостепената пресуда против поранешниот градоначалник на Општина Карпош Стевчо Јакимовски, со која му е изречена казна затвор од една година за кривичното дело „бесправно градење“. Како што соопшти Основниот кривичен суд Скопје, Второстепениот суд, постапувајќи по жалбите на обвинетите и на Јавното обвинителство, донел пресуда со која ја потврдува казната за делото „Бесправно градење“. Во изречената казна ќе му биде пресметан и периодот поминат во куќен притвор, од 19 март до 15 август 2019 година.

Експотпретседателот на СДСМ и ексдиректор на Царината Стефан Богоев, фатен со мито за за местење тендер, излегува од притвор! – Судот прифати гаранција од 55 илјади евра!

Кривичниот совет при Основниот кривичен суд Скопје ја уважи жалбата на осомничениот Стефан Богоев и ја прифати понудената гаранција, со што се укинува мерката притвор што претходно му беше определена во траење од 30 дена. Претгодно, во текот на истиов ден, на 9 јуни, ВМРО ДПМНЕ соопшти: „Поранешниот потпретседател на СДС и дете на Заев Стефан Богоев е фатен со мито за местење тендер“. „Стефан Богоев- Богац, поранешен директор на Царинска управа од СДС, наместил тендер за одржување на хигиена на граничните премини и терминали во вредност од 18 милиони евра. Од свиркачи ВМРО ДПМНЕ дознава дека дека Богац ќе добиел 10% од тендерот кој самиот го наместил. Тендерот бил во вредност од 18 милиони денари, па ако на Богац му биле ветени 10%, тоа значи дека тој ќе инкасирал 1,8 милиони денари. Според ова, се разоткрива уште една тендерска шема на СДС, а ВМРО ДПМНЕ го повика Јавното обвинителство да истражи дали ова е единствениот тендер кој Стефан Богоев-Богац го наместил за време на мандатот на директор.“ – имаше нагласено ВМРО ДПМНЕ. Но, наспроти сите овие сериозни индикации, се соопштува денес дека судот донел одлука за  пуштање на Богоев од притвор, која била донесена по жалба изјавена против решението на судија на претходна постапка од 4 јуни 2026 година, со кое, по предлог на надлежниот јавен обвинител, на Богоев му беше определен притвор.
Сите вести од Македонија

Најнови вести

To top