Премиерот Христијан Мицкоски изјави дека Владата и натаму ја преферира опцијата за редовни парламентарни избори во 2028 година, но нагласи дека ВМРО-ДПМНЕ е подготвена и за други можни политички сценарија.
Одговарајќи на новинарско прашање, Мицкоски рече дека со влегувањето во втората половина од мандатот е потребна политичка подготвеност.
„Политички мудро е, кога ќе влезете во втората половина на мандатот, да бидете подготвени на секакви сценарија“, истакна тој.
Тој повтори дека ставот на Владата останува непроменет.
„Наша опција, која ја преферираме како Влада, е редовни избори во 2028 година. Но сме подготвени секогаш, како политичка партија, доколку тоа опозицијата го бара, да излеземе на терен и повторно да победиме“, порача Мицкоски.
Со ова, премиерот не ја исклучи можноста за предвремени парламентарни избори, но потенцираше дека приоритет на Владата останува завршување на мандатот и одржување редовни избори во 2028 година.