Регион

Илјадници на улиците во Софија, прв протест и „граѓански отпор“ против владата на „рускиот агент“ Радев, кои ја „одалечуваат Бугарија од европскиот пат“!

Во Софија синоќа се одржа првиот протест против владата на Румен Радев, при што илјадници граѓани излегоа на улиците изразувајќи незадоволство од политиките на актуелната власт, со посебен акцент на предложениот државен буџет и насоката во која, според нив, се движи државата. Организаторите упатија остри критики кон премиерот Радев, оценувајќи дека неговото владеење ја оддалечува Бугарија од европскиот пат. „Радев не е само бугарскиот Орбан. Тој е и бугарскиот Јанукович. Владеењето на ваквите руски агенти води кон војна ако не бидат соборени на време“, порачаа организаторите на протестот, пренесува бугарскиот медиум „Актуелно“.

2 минути за читање

Бугарските медиуми јавуваат: 

Организаторите најавија нов протест

Еден од организаторите, новинарот Манол Глишев, изрази задоволство од одѕивот на граѓаните и најави дека веќе се подготвува нов протест следната недела. „Бевме многу повеќе отколку што очекував – меѓу 1.000 и 2.000 луѓе. Денес ова го постигнавме без финансиска поддршка и сериозна организација, само со ентузијазам. Следниот протест ќе биде уште подобро организиран“, напиша Глишев. 

„Ова е почеток на граѓански отпор“

 Уметникот Манол Петров оцени дека протестите се првиот сериозен знак на организирање на опозицијата. „Она што денес го направи Манол Глишев, без медиумска поддршка и во екот на летните одмори, не остана незабележано. Да бев на власт, сериозно ќе се загрижев“, изјави Петров.

Голем одѕив и покрај летната сезона 

Сопственикот на галерија Торос Торосјан истакна дека бројноста на протестот е показател за силното незадоволство кај граѓаните. „Жешка сабота, многумина се на одмор, немаше сериозна организација, а сепак се собраа толку многу луѓе. Тоа покажува колку е големо незадоволството од владата“, рече Торосјан.

Политиколог: Протестите се единствениот демократски механизам

Политикологот Огњан Минчев смета дека протестите претставуваат единствен начин граѓаните да се спротивстават на актуелната власт. „Во моментов граѓанските протести се единствениот демократски ресурс, што преостанува за спротивставување на партијата на Радев, која доби удобно мнозинство во парламентот.“ – оцени Минчев.

Очекувања за уште помасовни протести наесен

Христина Каламова од Софија посочи дека особено ја изненадила масовноста на протестот, имајќи предвид дека бил организиран без политички партии и во екот на летната сезона. „Нема партиски знамиња, нема лидери, само обични граѓани со бугарски и европски знамиња. Ако толку луѓе излегле во овие услови, можам само да замислам што ќе се случува наесен“, напиша таа. 

Според Халамова, незадоволството кај граѓаните достигнало точка по која повеќе не можело да остане незабележано, а спорните предлози за буџетот за 2026 година биле само дополнителен мотив за излегување на улиците. Организаторите веќе најавија дека протестите ќе продолжат и во наредниот период, со очекување дека ќе добијат уште поголема поддршка од јавноста, јавуваат бугарските медиуми.

 

 

Поврзани теми:

топ|прв протест против бугарскиот премиер Румен Радев|најава за нови демонстрации

Најнови вести од: Регион

Шестмина повредени во пожар во хотел во Албанија, петмина од Косово

Според прелиминарните податоци, пожарот првично избувнал во барот на првиот кат од зградата, а потоа се проширил на вториот кат, каде што работел хотелот. Од повредените туристи, петмина се од Косово.

Застрашувачки пожари го зафатија брегот Јадранот

Застрашувачки пожари беснеат низ Хрватска, Црна Гора и Босна и Херцеговина, оставајќи пустош зад себе. Додека во Омиш пожарот стигна до самиот центар на градот, пожарникарите, војската и канадерите на Пељешац, Улцињ и Невесиње се борат со пламените јазици.
Сите вести од Регион

Најнови вести

To top