Македонија

(Видео): Основната потрошувачка кошничка во Македонија е најевтина во Европа, рече премиерот

Премиерот Христијан Мицкоски изјави дека најновите податоци на Евростат, според кои основната потрошувачка кошничка во Македонија е најевтина во Европа, ги демантираат критиките дека државата не бележи напредок.

2 минути за читање
Free public domain CC0 photo.

Основната потрошувачка кошничка во Македонија е најевтина во Европа, покажуваат најновите податоци на Евростат. И покрај тоа, премиерот Христијан Мицкоски рече дека следуваат нови мерки за цените. Намалувањето на цените на храната останува еден од најважните приоритети на Владата, за што премиерот лично работи на анализа на производите кои влегуваат во пресметка на потрошувачката кошничка.

Тој нагласи дека намалувањето на цените на основните прехранбени производи останува еден од неговите најважни приоритети и дека лично работи на анализа на производите кои влегуваат во пресметката на потрошувачката кошничка.

  • Евростат објави дека основната потрошувачка кошничка во Македонија е убедливо најевтина во Европа и изнесува околу 49,7 проценти од европскиот просек. Дали е тоа доволно? Не е. Но, овие податоци ги демантираат сите кои не сакаат Македонија да успее – изјави Мицкоски.

Тој посочи дека Владата детално ги анализира околу 600 до 700 производи што се вклучени во статистичките пресметки, со цел да се утврди каде има простор за дополнително намалување на цените.

  • Ако треба, ќе анализираме фактура по фактура и производ по производ. Ова е темелна операција што лично ја водам и очекувам наскоро да даде конкретни резултати што ќе ги почувствуваат граѓаните – рече премиерот.

Владата детално анализира околу 600 до 700 производи што се вклучени во статистичките пресметки, за да се утврди каде има простор за дополнително намалување на цените. Дека состојбата се стабилизира потврдува и стопанството. Од Сојузот на стопански комори велат дека постојано ги следат случувањата на Блискиот Исток, и тоа ќе придонесе за ублажување на ценовниот притисок.

Претходно, Мицкоски одржа средба со претставници на најголемите синџири на маркети, по која соопшти дека целта е годишната стапка на раст на цените на храната во јули да биде под три проценти. Од Владата најавија и разговори со производителите и дистрибутерите за дополнително намалување на ценовниот притисок. Пазарната инспекција ќе спроведе компаративна анализа на цените, споредувајќи ги цените кај добавувачите со оние во маркетите за ист производ, за мај 2026 година во однос на мај 2025 година.

Поврзани теми:

топ|избор|Мицкоски|цени|евростат|инфлација|маркети

Повеќе на оваа тема:

Најнови вести од: Македонија

Собранието го усвои Законот за игри на среќа – 500 метри оддалеченост од училишта и строги правила за реклами

Со овој Закон е воведувањето задолжителна одалеченост од 500 метри помеѓу објектите на среќа и училиштата, како и регулирањето на давањето подароци, т.н „giveaway“ активности.

В среда последно збогум за Владо Јаневски

Јаневски беше првиот македонски претставник на Изборот за песна на Евровизија во 1998 година со песната „Не зори зоро“, а во текот на кариерата доби бројни признанија, меѓу кои и наградата за трајни музички вредности на годинашното издание на „Златна бубамара на популарноста“.

Сиљановска-Давкова-Будрис: Проширувањето на ЕУ ќе биде врвен приоритет за време на литванското претседавање со Советот на ЕУ

Претседателката на Република Македонија Гордана Сиљановска-Давкова денеска го прими министерот за надворешни работи на Република Литванија, Кестутис Будрис, кој е во официјална посета на државата.Соговорниците го поздравија отворањето на дипломатското претставништво на Литванија во Скопје, како и одлуката на македонската Влада за отворање амбасада во Вилнус, очекувајќи засилен политички дијалог, поголема економска и културна соработка, како и подобри севкупни односи меѓу двете држави.

Собранието го донесе Законот за игри на среќа и за забавни игри – да бидат оддалечени 500 метри од училиштата

Собранието денеска во рамки на 109. седница ги донесе одлуката за измена на Одлуката за одобрување на продолжување на рокот за постоење на кризна состојба на дел од територијата на Македонија, Законот за игрите на среќа и за забавните игри, а Христина Софронијоска беше избрана за нова заменичка на генералната секретарка на законодавниот дом. Законот за игрите на среќа и за забавните игри беше донесен со 60 „за“, а 20 „против“.

Ристовски: За две години реализирани и започнати 60 спортски проекти вредни над 21 милион евра – спортот повторно е национален приоритет

Министерот за спорт Борко Ристовски денеска на прес-конференција во Владата даде отчет за сработеното во изминатите две години од формирањето на Министерството за спорт, презентирајќи ги реализираните активности, капиталните инвестиции во спортската инфраструктура и проектите што ќе се реализираат во наредниот период. Toj истакна дека Министерството за спорт за само две години реализира и започна 60 спортски проекти, со вкупна вредност од повеќе од 21 милион евра, за разлика од претходната власт која за четири години реализираше само 33 спортски проекти и нагласи дека Владата повторно го поставува спортот меѓу националните приоритети.
Сите вести од Македонија

Најнови вести

To top