Хроника

Камион се преврте и падна во бездна кај Мрежичко, Кавадарци, загина возачот И.К. (56)

Трагична несреќа се случила во близина на кавадаречкото село Мрежичко, каде што животот го загубил 56-годишен возач од Кавадарци.

1 минута за читање

Според информациите од Министерството за внатрешни работи, на 30 јуни 2026 година во СВР Велес било пријавено дека околу 13:00 часот, при истовар на земја од товарно возило „Ман“ со кавадаречки регистарски ознаки, возилото се превртело и паднало во провалија. Со камионот управувал И.К. (56) од Кавадарци. Од здобиените повреди, возачот починал на местото на несреќата, а смртта ја констатирал лекар од Итната медицинска помош во Кавадарци.

Во извлекувањето на телото и товарното возило од провалијата учествувале алпинистички тим од Специјалната антитерористичка единица „Тигар“, полициски службеници од ОВР Кавадарци и припадници на Територијалната противпожарна единица Кавадарци. По наредба на јавен обвинител, телото на починатиот било предадено на обдукција во Институтот за судска медицина во Скопје.

Увид на местото на несреќата извршиле јавен обвинител и увидна екипа од ОВР Кавадарци, а причините за несреќата се утврдуваат.

Поврзани теми:

актуелно|тешка сообраќајка кај Кавадаречко|загина возач

Најнови вести од: Хроника

Утринава четворица битолчани се степале во казино во Битола – нападнале и вработен во обезбедувањето

Во 03:15 часот рано изутринава во казино на улица Димитар Илиевски Мурато во Битола, полициски службеници од СВР Битола ги лишија од слобода М.Н.(40) , Ш.К.(41), А.Ј.(29) и Д.Р.(34), сите од Битола.

„Чистач“ на МВР низ цела Македонија: откриени многу случаи на насилен и прекуграничен криминал, уапсени 5.628 лица!

Крим-полицијата е на терен. Министерството за внатрешни работи, преку Одделот за криминалистичка полиција, во координација и содејство со сите Сектори за внатрешни работи и Регионалните центри за гранични работи, од септември 2024 година спроведува Оперативна акција „Чистач“ на целата територија на Македонија.

Тешка сообраќајна несреќа во Гостивар: шестмина повредени, четворица од нив тинејџери

На 03.10.2026 околу 22 часот во ОВР Гостивар е пријавено дека на крстосницата на ул. „Кеј Вардар“ и ул. „Тоде Богдановски“ во Гостивар, се случила сообраќајна несреќа во која учествувале патнички возила „голф“, управувано од Е.Р. (18), „голф“, управувано од Б.А.(19), „бмв“, управувано од М.М. (25) и паркирано возило „пасат“ во сопственост на Е.С. (54), сите од Гостивар.
Сите вести од Хроника

Најнови вести

To top