Лидерот на Алијанса за Албанците, Арбен Таравари, целосно го разбирал инсистирањето од премиерот Христијан Мицкоски за гаранции дека впишувањето Бугари во македонскиот Устав ќе биде последното барање, но уставни измени морало да има ако Македонија сакала да почне преговори за членство во Европоската унија.
„Секој висок претставник на Европската Унија кој доаѓа во Македонија и секоја земја-членка испраќаат јасна порака доколку сакаме официјално да започнеме преговори со ЕУ и да ги завршиме неопходен услов се уставните измени. Нема друга алтернатива за започнување преговори.
Целосно го разбирам барањето на премиерот за гаранција, но на крајот од денот мора да признаеме дека ако се стремиме кон членство во ЕУ, мора да ги направиме овие промени. Затоа, не гледам друга опција, уставните измени треба побрзо да се донесат, за да започнат преговорите.
Во меѓувреме, разбирливо е да побарате гаранција иако никогаш не постои 100% гаранција, но ако сакате сигурност, албанските политички партии треба и се подготвени да дадат поддршка за започнување на преговорите и, автоматски, се за уставни измени. Не познавам ниту една албанска партија во Македонија која е против ваква ориентација“, порача Таравари преку Фејсбук.