Македонија

За ДУИ Македонија не е унитарна, туку „мултиетничка држава“, во која Албанците се „половина од реалноста“ и „така мора да се претставува“ на Самитот на НАТО?!

„Претставување без Албанци не е претставување на државата. Државата не е праведно претставена кога половина од нејзината реалност е изоставена.“ – наведува ДУИ во своето денешно соопштение во врска со учеството на државната делегација на Република Македонија на Самитот на НАТО, кој се одржува во Турција и создаде дилема: која „половина од нејзината реалност е изоставена“? Ако ДУИ таа „половина од реалноста“ ја поврзува со Албанците, тогаш треба да се има предвид дека овој етникум во структурата на населението на Македонија учествува, според пописот од 2021 година со 24,30 отсто, што значи само со една четвртина, а не со 50 проценти.

1 минута за читање

Демократската унија за интеграција натаму во своето соопштение изнесува: „На Самитот на НАТО во Турција С.Македонија е претставена со делегација без ниеден албански претставник. Ова е одраз на политичкиот менталитет, кој ја гледа државата како сопственост на еден етникум, додека Албанците се само внатрешен декор.“

„С.Македонија е мултиетничка држава и членка на НАТО благодарение на политичката архитектура, изградена врз рамноправност, претставување и врз Охридскиот договор. Државните делегации треба да ја одразуваат реалноста на земјата, а не да ја бришат.“

„Исклучувањето на Албанците од највисокото меѓународно претставување е погрешна порака за граѓаните, за сојузниците и за карактерот на државата. Државата не е праведно претставена кога половина од нејзината реалност е изоставена.“ – наведуваат „интегративците“ во своето соопштение, во кое изнесуваат уште една формулација, која, исто така нема никаква врска со политичката реалност – „мултиетничка држава“.  Република Македонија не е никаква „мултиетничка држава“, туку унитарна држава со целосна рамноправност на сите етникуми, кои го сочинуваат нејзиното вкупно население.

Поврзани теми:

топ|Македонија|ДУИ|Албанци претставување|Самит на НАТО

Повеќе на оваа тема:

Најнови вести од: Македонија

Од утре заеднички полициски патроли на македонски и српски полицајци во Охрид

Во Секторот за внатрешни работи Охрид денеска се одржа работен состанок со полициски службеници од Министерството за внатрешни работи на Србија, кои од утре до 31 август, заедно со припадници на македонската полиција, ќе патролираат низ Охрид во рамки на заеднички полициски патроли

Почнува судењето за обвинетиот сериски убиец од Старо Нагоричане

Во Основниот суд во Куманово на 9 јули треба да започне судскиот процес против 25-годишниот Т.Б. од Старо Нагоричане, обвинет за повеќе кривични дела поврзани со убиства и обиди за убиство на жени на подрачјето на Општина Старо Нагоричане, соопшти Јавното обвинителство

Вонредни локални избори во селската општина Брвеница, во Тетовско, по смртта на градоначалникот Јовица Илиевски

Владата донесе одлука за престанок на мандатот на неодамна починатиот градоначалник на Општина Брвеница, Јовица Илиевски, со што се создаваат законски предуслови за за распишување нови избори за градоначалник. 

Ќоку: За Вреди е важно е дијаспората да гласа без разлика на формата

За нас е важно е дијаспората да има можност да гласа без разлика дали преку електронско гласање или по пошта, но да бидат безбедни, транспарентни и сигурни форми и во согласност со меѓународните стандарди – истакна денеска координаторот на пратеничката група на ВРЕДИ, Беким Ќоку, по одржаната средба во Собранието помеѓу политичките партии за Изборниот законик.
Сите вести од Македонија

Најнови вести

To top