Регион

Бугарија истата „шема“ од Македонија пробува да ја пренесе и во Србија

Жителите на овие општини повеќе нема да патуваат до Ниш или Белград за бугарски документи

Бугарија ќе отвори конзуларни пунктови и ќе организира прием на барања за бугарски лични документи во Босилеград и Димитровград – општините во Србија каде живее најголемиот дел од бугарската заедница.

Со оваа одлука, жителите на Босилеград, Димитровград и околните места повеќе нема да мораат да патуваат до Ниш или Белград за да поднесуваат барања за бугарски пасоши и лични карти. За оние кои веќе имаат бугарско државјанство, административната постапка станува значително поедноставна.

Потегот има и пошироко политичко значење. Во последните години Софија систематски инвестира во зајакнување на врските со бугарската заедница во источна Србија преку образование, културни програми, инфраструктурни проекти и конзуларни услуги.

Според пописот од 2022 година, во Србија живеат околу 13.000 лица кои се изјасниле како Бугари, со најголема концентрација токму во Босилеград и Димитровград. Бугариското државјанство, а со тоа и бугарскиот пасош, носи и статус на граѓанин на Европската Унија, што овозможува слободно движење, работа и престој во сите земји-членки на ЕУ. Ова претставува силен мотив за жителите од економски неразвиениот пограничен регион.

Во Македонија оваа практика е добро позната. Се поставува прашањето дали Бугарија ја користи политиката на државјанство само како инструмент за одржување на врските со заедниците што ги смета за дел од бугарскиот национален корпус или и за привлекување „државјани од економски интерес“.

Во случајот со Србија, засега, ова не предизвикува поголеми политички тензии, бидејќи станува збор за признато бугарско национално малцинство. Сепак, моделот повторно ја отвора дебатата за тоа како Софија ја комбинира конзуларната политика со своите пошироки национални интереси на Балканот.

Најнови вести од: Регион

Негираат дека имало притисок врз „бегалката“

Ива Михајлова обвини новинар дека работи по наредба на бугарската Државна агенција за национална безбедност и дека по нивни инструкции добивала прашања и ѝ било кажувано што да зборува во јавност. Шефицата на бугарската дипломатија тврди дека немала такви информации

Најава за големи демонстрации во Албанија за 28 и 29 ноември 2026! Вчера палени контејнери, Рама маван со јајца, кршена вратата на Парламентот!

Студентското движење и незадоволните граѓани продолжуваат со редовни протести пред Министерството за образование и пред Владата во Тирана, барајќи оставка од премиерот Еди Рама и промени во власта. Вчера за време на протестот во Тирана, дојде до инциденти со палење контејнери, по што полицијата уапси три лица, поведе постапки против уште 18 и изрече 44 парични казни. Организаторите го најавуваат следниот голем бран на демонстрации за празничниот викенд на 28 и 29 ноември, кога се очекува пристигнување на албанската дијаспора во Тирана за масовен марш.

To top