Полицајци од Полициското одделение Маврово вчера во 10:45 часот го уапсиле Ѓ.Р. (56) од Гостивар, кој го нарушил јавниот ред и мир со агресивно однесување во Галичник, на „Галичка свадба“.
Потоа вечерта бил повторно уапсен, но од полицајци од Гостивар. Му ставиле лисици на рацете во 20:40 часот, на ул. „Браќа Ѓиновски“ затоа што го нарушувал јавниот ред и мир.
По извршеното алкотестирање, кај него биле констатирани 1,75 промили алкохол во крвта.
СВР Тетово најавува пријави по целосно документирање на инцидентите.