Македонија

Продале кабли и кола од 14,5 милиони денари, ама сакале да не платат данок

Го оштетиле буџетот и заработија кривични пријави

2 минути за читање

Управата за финансиска полиција поднесе кривична пријава до Основното јавно обвинителство Скопје против тројца управители и сопственици на една компанија, како и против самата фирма, поради сомнение за даночно затајување.

Според соопштението, осомничените во април 2024 година договориле и реализирале продажба на линија за производство на кабли во вредност од 14.514.000 денари, но трансакцијата не била внесена во сметководствената евиденција на компанијата.

Од Финансиската полиција наведуваат дека дел од парите, во износ од 2.701.189 денари, биле префрлени на лични банкарски сметки и на сметки на блиски лица, без тие средства да бидат евидентирани во деловните книги.

Воедно, дел од продажбата, според пријавата, била реализирана преку компензација со патничко возило вредно 1.537.500 денари и кабли во вредност од 1.516.500 денари. Ниту овие средства и стока не биле заведени во сметководствената документација, а при контролата не биле пронајдени кај правното лице.

Финансиската полиција дополнително тврди дека управителот не ги отпишал ниту ги оданочил неплатените обврски кон домашни и странски добавувачи од 2022 година, кои изнесувале 17.380.716 денари.

Со ваквите дејствија, според истрагата, не биле пресметани, пријавени и уплатени данок на додадена вредност, данок на добивка и персонален данок, со што државниот буџет бил оштетен за вкупно 4.677.362 денари.

За случајот ќе одлучува Основното јавно обвинителство Скопје, кое треба да ја продолжи постапката.

Поврзани теми:

фирма|затајување данок|топ|актуелно|данок|Финансиска полиција

Повеќе на оваа тема:

Најнови вести од: Македонија

(Видео): Речиси целосно пробиена трасата на булеварот „Борис Трајковски“ кон Драчево

По долгогодишно чекање, булеварот „Борис Трајковски“ конечно добива решение, со што се исполнува едно од најважните инфраструктурни очекувања на жителите од овој дел на Скопје.

„Комунална хигиена“ со 12 милиони евра долгови и 60% од возилата расипани

Државната ревизија ја прочешла документацијата за 2024 година на Јавното претпријатие Комунална Хигиена Скопје. Според наодите на ревизорите компанијата има проблем со наплататата на нивната услуга, потоа забележано е нерационално управување со залихите, но констатирана е и намалена ликвидност.

Презирот на македонските херои кон смртта во битката на Ножот на 14.7.1907, една од највеличествените страници на македонската историја по Илинденското востание

„Никој не смее да ги допре и да ги нагрди хероите! Гледате ли како комитите ја презираат смртта? Се борат и умираат како херои!“ – со овие зборови мајорот Енвер-беј, кој командувал со многубројната турска војска во легендарната битка со македонските комити на 14 јули 1907 година на планинскиот врв Ножот кај прилепското село Ракле, им оддал почит на саможртвениците за слободата на Македонија и македонскиот народ. Тој трагичен јулски ден во 1907 година штамата завладеја на Ножот, откако последните преживеани македонски комити се самоубија со последните куршуми и со активираните бомби, кои им преостанаа, за да не паднат во рацете на турскиот аскер. Претходно прилепскиот градски окружен комитет и војводите им издале наредба да се повлечат од врвот. ,,Опфатени сме од оган, гориме и сме дошле да изгориме. Сакаме да умреме со достоинство. Нашето решение е неповратно.” – порачале 54-те македонски херои, одбивајќи да се повлечат, за да можат сите останати да заминат безбедно. Битката на Ножот е од најнерамноправните и најкрвавите битки во историјата на Македонија по Илинденското востание, но е и една од многуте во македонската национална историја на непокорот, буните и востанијата против поробителите.
Сите вести од Македонија

Најнови вести

To top