Македонија

Банов: Дали СДС и Герасимовски се вмешани во потенцијална финансиска афера од милионски размери?

Банов ги повика раководството на ПОЦ, директорот Душко Коцевски и градоначалникот на Општина Центар, Горан Герасимовски, јавно да ги објават имињата на лицата и компаниите чии долгови биле отпишани

1 минута за читање

ВМРО-ДПМНЕ обвини дека ЈП „Паркинзи на Општина Центар“ (ПОЦ), под раководство на кадри на СДС, во текот на 2024 година отпишало долгови во вредност од над 3 милиони денари и побара Општина Центар да ги објави имињата на физичките лица и компаниите на кои им биле отпишани обврските.

На прес-конференција, потпретседателот на ОК Центар, Лазар Банов, рече дека според ревизорскиот извештај за 2024 година биле отпишани 2,221 милиони денари долгови од физички лица и уште 912 илјади денари долгови од компании.

Тој посочи дека во ревизорскиот извештај е наведено и дека поради отпишувањето требало да се пресмета и данок на личен доход во износ од околу 247 илјади денари.

Банов ги повика раководството на ПОЦ, директорот Душко Коцевски и градоначалникот на Општина Центар, Горан Герасимовски, јавно да ги објават имињата на лицата и компаниите чии долгови биле отпишани.

Од ВМРО-ДПМНЕ тврдат дека средствата, доколку биле наплатени, можеле да бидат искористени за реализација на инфраструктурни проекти, изградба на градинки, училишта, паркови и спортски објекти во Општина Центар.

Поврзани теми:

актуелно|СДСМ|општина центар|Горан Герасимовски|Лазар Банов

Повеќе на оваа тема:

Најнови вести од: Македонија

Почина Волф Ошлис, амбасадорот на македонската кауза: Ако Европа ја изгуби Македонија, ќе се изгуби и себеси!

На 30 август 2026 година германските научни платформи објавија потврдена вест, која е повеќе од тажна за македонскиот народ и Република Македонија: уште на 18 август 2026 година почина професор доктор Волф Ошлис, германскиот и европски македонист со непроценливо значење на неговиот политичко-јазичен македонистички ангажман за македонскиот народ и јазик, за одбраната на националната, идентитетска, јазична, културна и историска засебност и самобитност на Македонците наспроти сите нивни негирања како народ. Неговата реченица: „Нема ништо полесно отколку да бидеш пријател на Македонија. Јас сум тоа од 1975 година…“ ја одразува неговата длабока професионална, но и лична, чувствена врска со македонската кауза, со Македонците и Македонија

Легендарниот македонски војвода Александар Турунџе пред да си стави јамка на вратот на 30.8.1905: Македонија ќе биде слободна!

„Личната трагедија на македонскиот револуционер, ајдутин, четник и војвода Александар Турунџев, кој е предаден на турските власти за 150 златници од свој сонародник, по што бил обесен на Ат-Пазар во Битола на 30 август 1905 година, освен што е симбол на она што многу често провејува низ македонската историја – предавството, многу повеќе е национален херој и симбол на борбата за слобода на македонскиот народ.Погубувањето на Турунџев се одвивало пред бројни сведоци, меѓу кои и неговата сопруга и нивните две малолетни деца, ќерка и син, кои биле принудени немо да го гледаат испуштањето на последниот здив на својот татко.“ – објави Македонската информативна агенција – МИА.

Штип е без вода: Филтер станицата исклучена, поради крајно големата заматеност од синоќешното невреме

Градот Штип од 14 часот е без вода за пиење. Филтер станицата се исклучи од цевководот на хидросистемот „Злетовица“ поради големата заматеност на водата која пристигнува од браната Кнежево, информираше на вонредната прес-конференција директорот на ЈП Исар Штип Александар Арсовски.

ЗНАМ го осудува глорифицирањето на воените злосторства

Движењето ЗНАМ најостро ги осудува воените злосторства случени на поранешните југословенски простори, вклучувајќи ги и хашките случаи во Македонија од 2001г., и секој обид за нивна глорификација, релативизација или оправдување
Сите вести од Македонија

Најнови вести

To top