Македонија

Преку партнерство до решенија за економски раст и подобри услови за работа, велат од Владата

Предлог-законот за високото образование и предлог-законот за обезбедување квалитет во високото образование и науката посветуваат значително внимание на поврзувањето на високото образование со реалните потреби на стопанството.

2 минути за читање

Само преку партнерство и заедничко креирање политики можеме да донесеме решенија што ќе придонесат за стабилен економски раст, подобри услови за работа и повисок животен стандард на граѓаните – порача по седницата на Економско-социјалниот совет министерот за економија и труд, Бесар Дурмиши. Економско-социјалниот совет ја усвои годишната програма за работа за 2026 година и ги разгледа предлог-законот за високото образование и предлог-законот за обезбедување квалитет во високото образование и науката.

Со годишната програма е утврдена динамиката на работа и се поставени приоритетите за темите што ќе бидат предмет на социјален дијалог меѓу Владата, синдикатите и организациите на работодавачите. Меѓу нив, како што изјави Дурмиши, се политиките за вработување, минималната плата, потрошувачката кошничка, работните односи, безбедноста и здравјето при работа, младинските политики, продуктивноста, како и други прашања, кои директно влијаат врз животниот стандард на граѓаните и конкурентноста на македонската економија.

Дурмиши посочи дека предлог-законот за високото образование и предлог-законот за обезбедување квалитет во високото образование и науката посветуваат значително внимание на поврзувањето на високото образование со реалните потреби на стопанството.

  • „Денешниот пазар на труд бара современи знаења, практични вештини и поголема усогласеност меѓу образовниот систем и потребите на работодавачите. Токму затоа ваквите реформи претставуваат важен чекор кон создавање поквалитетен човечки капитал, повисока вработливост на младите и посилна конкурентност на нашата економија“, изјави Дурмиши.

Поврзани теми:

актуелно|економски раст|ЕСС|Бесар Дурмиши

Повеќе на оваа тема:

Најнови вести од: Македонија

ПОЦ должи 1,4 милиони евра за комунална такса

Државниот завод за ревизија до надлежните институции и одговорните лица упатил препораки за отстранување на утврдените неправилности и подобрување на финансиското управување и законитоста во работењето на претпријатието. 

На покана од Рубио Муцунски во Вашингтон на министерска конференција „Подемот на политичкиот тероризам“ – можност за продлабочување на соработката со САД

На покана на американскиот државен секретар Марко Рубио министерот за надворешни работи и надворешна трговија на Република Македонија Тимчо Муцунски денеска и утре ќе престојува во дводневна работна посета на Вашингтон. Ќе учествува на министерска конференција, посветена на заканите од политичкиот тероризам.

Дурмиши: Дел од трговците ги зголемиле маржите наместо да ги намалат цените

Контролите на Државниот пазарен инспекторат, спроведени кај повеќе од 700 производи, покажале значителни отстапувања во формирањето на цените во трговијата на мало. Според официјалните податоци за периодот од мај 2025 до мај 2026 година, просечниот раст на набавните цени на основните прехранбени производи и средствата за хигиена изнесувал 2,66 проценти, додека продажните цени во маркетите се зголемиле за 4,56 проценти. Овие податоци ги презентираше министерот за економија и труд Бесар Дурмиши по седницата на Економско-социјалниот совет.

Започна измената на законот за студентски стандард, со кој во студентските домови ќе има места само за студенти до 30 години

Собраниската комисија за образование, наука и спорт денеска на седница заклучи дека предлог-законот за изменување и дополнување на Законот за студентскиот стандард, по скратена постапка, е прифатлив и го проследува на натамошно читање. Предлагачи на законот се пратениците Даниела Христова, Каролина Насковска, Иванка Василевска и Велика Стојкова-Серафимовска.

Вреди: Каде завршија милионите евра од ЕУ-фондовите за канализацијата во Кичево?! Обвинителството да ја истражи коруптивната улога на ДУИ!

Кои компании поврзани со Дрин Ахмети биле ангажирани во проектот, како фирми поврзани со семејството Ахмети се нашле во проект финансиран со европски и државни пари, дали некој од функционерите на ДУИ влијаел врз изборот на компаниите, зошто жителите на Зајас сè уште немаат канализација, праша денеска Фатон Фазлиу од Вреди. Дваесет и четири години ДУИ не направи канализација за жителите на Зајас, а сега и знаеме зошто – поради корупција, нагласи Фазлиу.
Сите вести од Македонија

Најнови вести

To top